Basha: I gatshëm që të përballem në debat me Ramën, kam që në 2006 që e ftoj! Më përndjek kudo! Thotë ‘Luli këtu, Luli aty, si vishet, flokët

Kryetari i Partisë Demokratike, Lulzim Basha ka ftuar sërish në një debat televiziv kryeministrin Edi Rama.

" Ju e dini fare mirë që ka që në vitin 2006 që unë e ftoj Ramën në debat publik. Kjo nuk është çështje mes meje dhe tij, është një detyrim para qytetarëve veçanërisht para zgjedhjeve, që ata që kërkojnë përgjegjësinë e qeverisjes të bëjnë debat. Ai që ka 8 vjet që qeveris e ka për detyrë të tregojë çfarë ka bërë në 8 vite. S’ka bërë asgjë. (...) E more përgjigjen në pyetjen e parë, më lejo të mbaroj përgjigjen. Jo vetëm që jam i gatshëm, por është detyrim i tij të vijë në debat e t’u thotë shqiptarëve përse kërkon një mandat të tretë. Është detyrimi im t’u them qytetarëve çfarë zotohem unë të bëj për ta", tha Basha.  

LEXO EDHE:
Mero Baze: A po kërcënon Argita drejtuesit e opozitës?

Ai e cilësoi fushatën e tij të suksesshme, pasi spas tij, Rama po merret me të në çdo detaj. 

"Merret me veshjen time, me flokët madje me monitoron dhe orarin e gjumit. Është kthyer në satelitin e fushatës time, në satelitin tim. Tregon që fushata ime ia ka arritur qëllimit. Kjo është fushata e tij, sateliti im. Luli këtu, Luli aty. Si vishet, flokët, kur fle gjumë. Klloun. Nuk ka asgjë për t’iu thënë shqiptarëve.”, tha Basha.

 

Lajmi kryesor:

Shqipëria në NATO nga ti apo Berisha? Basha: Po kujtoj meritat e PD-së, jo të miat! I gatshëm që dal në debat me Ramën! E pamundur të kontrolloj grumbullimet

B.K./Shqiptarja.com

TAG:
• edi rama
• lulzim basha
• sali berisha
• Fushate elektorale
• zgjedhjet parlamentare 2021