TIRANË- Kreu i Partisë Demokratike ka realizuar një spot, duke treguar se ai di ta integrojë Shqpërinë në BE, njësoj ashtu siç bëri për të futur vendin në NATO. Për këtë spot, Basha u pyet nga drejtuesi i emisionit “Opinion”, se kush e futi Shqipërinë në NATO ai apo ish-kryeministri Sali Berisha. Basha tha se ky spot është bërë për qytetarët të cilët duhet të kujtohen për meritat e PD, dhe jo meritat e tij personale.
"Ky spot është bërë për të kuptuar diferencën se ku ishim dhe ku jemi sot. Beteja brenda vetes, një nga gjërat më të rënda që ka pllakosur Shqipërinë është humbja e besimit te vetvetja, te njëri-tjetri. Një nga arsyet kryesore është për t’i kujtuar shqiptarëve forcën që ne kemi si komb. Nuk është bërë që një gazetar ta marrë dhe të thotë e keni bërë ju Basha. Unë kam rolin tim…Ju keni qenë aty dhe e dini fare mirë, pasi u bëra ministër i Jashtëm më pyetët, “si duken punët”. Në atë moment shanset ishin 100% për Kroacinë, 60% për Maqedoninë dhe shumë të vogla për Shqipërinë", tha Basha.
Ndalur te integrimi në BE, Basha ka premtuar se një gjë të tillë do e bëjë realitet në vitin e parë të qeverisjes.
"Unë kam thënë që Partia Demokratike ka misioni kryesor futjen në Bashkimin Europian. Unë ju garantoj që brenda vitit tonë të parë të qeverisjes do të kemi nisur negociatat me kapitujt kryesorë të Bashkimit Europian", tha Basha.
Nga ana tjetër ai tha se është i gatshëm që të dalë në debat televiziv me Ramën, e ndërsa ndalur te shkeljet e masave anti-COVID në tubimet e tij, Basha shtoi se e ka të pamundur për të kontrolluar grumbullimet. Megjithatë, ai shtoi se Rama ka frikë nga PD-ja, jo se shqetësohet për COVID, pasi sipas tij, nëse kjo do ishte e vërtetë do të shqetësohej dhe për grumbullimet në Ish-Bllok apo në autobuse.
Në një kohë kur kryeministri Edi Rama e quan "dhëndër" që dalin e presin si në dasmë, kryedemokrati Lulzim Basha është shprehur se njerëzit dalin dhe e presin spontanisht. Duke u ndalur te mos respektimi i masave anti-COVID, Basha tha se e ka të pamundur që të kontrollojë turmën, e ndërsa shtoi se Rama nuk ka problem COVID-in. E për këtë tha se mjaftohet për të parë lokalet e Bllokut apo autobusët.
"Pa diskutim që ka një numër shumë të madh njerëzish që dalin spontanisht në rrugë ndërkohë që unë shkoj në aktivitete. Si kundër unë marrë të gjitha masat e nevojshme dhe jam i pari që në mënyrë rigoroze mbaj maskën, bëj thirrje për mbajtjen e maskës, bëj thirrje për distancë , aktivitete i kryej në vende të hapura. Kur i kam në vende të mbyllura i kam me normat me numrin e kufizuar të personave. Por nga ana tjetër e kam të pa mundur të kufizoj entuziazmin e njerëzve që vijnë dhe ky është një moment për tu analizuar. Me të vërtet ata shpërfillin një rrezik që nuk duhet ta shpërfillin por mesa duket dëshira për ndryshim apo ta them siç e thonë ata “ Na ka ardhur në majë të hundës. Nuk durojmë dot më. Mezi presim datën për ta votuar për ta hequr, për të ndryshuar”. Kjo është arsyeja e atyre grumbullimeve për të cilat siç e keni parë un mundohem vet i pari, i bëj thirrje, të mbajnë maskat, të mbajnë distancën. I keni parë i përshëndes sa më shkurt dhe vazhdoj. Por a është ky problemi i Shqipërisë sot? Jo. Pse s’është problemi i Shqipërisë ky sot? Nuk e di cili prej jush pa pirë kafe te Blloku sot? Nuk e di cili prej jush ka pirë kafe tek blloku sot. Ka pirë ndonjëri prej jush kafe tek Blloku sot? Mjafton të shkosh tek Blloku ose tek një nga rrugët e Tiranës dhe do të shikosh që kafetë janë plot me njerëz. Mjafton të shikosh këtë foto të këtij urbani në Tiranë. Unë bëj gjithçka në fushatën time për t’ju përmbajtur rregullave dhe kjo është e vërtetë që e kam të pamundur, unë stafi, partia të kontrollojmë mbledhjen e njerëzve në përmasa të tilla dhe kjo është evidente dhe shprehje e entuziazmit të njerëzve dhe e dëshirës për ndryshim. Por nuk ka hipokrizi më të madhe sesa kjo që bën ky që nuk ka fut një autobus shtesë. Shiko si e ke situatën e autobusëve, kafet i ke plot", tha Basha.
Kryetari i Partisë Demokratike, Lulzim Basha ka ftuar sërish në një debat televiziv kryeministrin Edi Rama.
" Ju e dini fare mirë që ka që në vitin 2006 që unë e ftoj Ramën në debat publik. Kjo nuk është çështje mes meje dhe tij, është një detyrim para qytetarëve veçanërisht para zgjedhjeve, që ata që kërkojnë përgjegjësinë e qeverisjes të bëjnë debat. Ai që ka 8 vjet që qeveris e ka për detyrë të tregojë çfarë ka bërë në 8 vite. S’ka bërë asgjë. (...) E more përgjigjen në pyetjen e parë, më lejo të mbaroj përgjigjen. Jo vetëm që jam i gatshëm, por është detyrim i tij të vijë në debat e t’u thotë shqiptarëve përse kërkon një mandat të tretë. Është detyrimi im t’u them qytetarëve çfarë zotohem unë të bëj për ta", tha Basha.
Ai e cilësoi fushatën e tij të suksesshme, pasi spas tij, Rama po merret me të në çdo detaj.
"Merret me veshjen time, me flokët madje me monitoron dhe orarin e gjumit. Është kthyer në satelitin e fushatës time, në satelitin tim. Tregon që fushata ime ia ka arritur qëllimit. Kjo është fushata e tij, sateliti im. Luli këtu, Luli aty. Si vishet, flokët, kur fle gjumë. Klloun. Nuk ka asgjë për t’iu thënë shqiptarëve.”, tha Basha.
Komente
Lajme të tjera
-
Basha për takimin dhe antimitingun në Londër: Turp e faqja e zezë për Ramën dhe Berishën! Ata i duan shqiptarët mish për top, pazare dhe për pushtetin e tyre
24 Nëntor, 18:20 -
Takimi i Ramës në Londër/ Parashikimi i Spahiut për diasporën në Report TV: Maksimumi 6-7% e emigrantëve do votojnë në zgjedhjet e 2025!
24 Nëntor, 15:47 -
Turi me diasporën/ 'Diversantët' e Berishës 'të infiltruar' në takim! Rama: Opozita nxit akte antishqiptare në tokë të huaj! Po motivohen protesta kundër qeverisë
24 Nëntor, 13:55 -
Militantë të Berishës protestojnë kundër Ramës në Londër (VIDEO)
24 Nëntor, 12:59 -
Gjikondi: Ja taktika e çiftit Meta-Kryemadhi për të shpëtuar pronat e vendosura në mënyrë të paligjshme! Ja pse administrata Trump nuk do t’i heqë ‘non-gratën’ Berishës
24 Nëntor, 12:13 -
Berisha: Rama mizogen, e tregon edhe në kabinet me gratë
24 Nëntor, 11:00 -
Kreshnik Spahiu: Pse Strasburgu po e zhgënjen shumë keq Partinë Demokratike?
23 Nëntor, 23:55
-
Ylli Pata: E marta e kiametit...
23 Nëntor, 19:52
-
Berisha i refuzuar nga militantët, porosi drejtuesve të qarqeve për protestën: Të martën sillni sa më shumë njerëz në Tiranë
23 Nëntor, 18:35 -
Intervista e Dumanit/ Lapardhaja: Dje konfirmoi që SPAK dhe ai janë indiferent ndaj sulmeve politike! Një prokuror që nuk ka marrë asnjë dhuratë, fat për shoqërinë shqiptare
23 Nëntor, 17:35 -
Pas 7 refuzimesh, Berisha s'heq dorë! Këmbëngul për liri në Gjykatën e Lartë
23 Nëntor, 15:41
-
Megjithë përpjekjet dhe ndihmën e përfaqësuesit grek, PD nuk arrin ta përfshijë Sali Berishën në rezolutën e PPE-së
23 Nëntor, 12:17
Shyqyr o Lul që mezi të kemi....imagjino çdo bënim pa ty në pushtet!??? Ups..., hiç mëndje, harrova që ke 8 vjet në opozitë.
PërgjigjuLulush kupto nji dicka Duke pare rrezikun Rus drejte ballkanit NATO futi brenda Shqiperine Jo berisha e jo ti o dardalec ,por America
Përgjigjurrofte Amerika ,pa po te ishte per ju do ishim future pa ushtri qe shkatruat ju plerate hyy legena kini goje e flsni
PërgjigjuTi na fute ne NATO eee?! Mos ke futur edhe Kroacine ti? Ah ti je pallosh, por me palloshe jane ata qe e hane kete genjeshter nga ty! Ne NATO na futi USA dhe ishte strategji gjeopolitike. Dmth per te mbyllur portat e Adriatikut per Rusine. Prandaj u futem ne NATO. Plus dhe per te shpetuar Shqiperine nga soji yt, sepse nese nuk do ishte ne NATO, nuk do e leshonte pushtetin Berisha pa gjakderdhje e pa rremuja. Keto jane arsyet kryesore qe ne u futem ne NATO. Por duhet te dish dhe nje gje, qe eshte proces i gjate hyrja ne nje organizate te tille ushtarake. Ju vetem se rastiset ne ate moment per fatin tuaj te mire qe hodhet thjeshte firmen. Je nje sharlatan dhe populist. Por populist i nivelit te ulet, se te ishe populist normal europian nuk do thoje gjithe ato brockulla.
Përgjigjululush je ne prag depresioni
Përgjigju