Basha: Lamtumirë Moikom Zeqo, mjeshtri i letrave dhe historisë shqiptare

Kreu i PD-së, Lulzim Basha e ka vlerësuar Moikom Zeqon si eruditi i letrave shqipe, i cili i ka lënë vendin vepra që nuk do të harrohen. Basha e ka vlerësuar Zeqon edhe për kontributin e tij si politikan, duke thënë se është model i politikani serioz dhe shumë aktiv.

"Moikom Zeqo, eruditi i letrave shqipe u nda sot nga jeta pas një sëmundje të rëndë, duke lënë pas një vepër të lexuar dhe të vlerësuar nga shqiptarët anekënd  botës.

Me seriozitetin, pasionin për shkencën dhe kulturën, autori i 62 librave me poezi, studime arkeologjike, mbi historinë e artit, si dhe skenarëve për filma, do të mbahet mend ndër breza si një nga personalitetet e spikatura të kulturës sonë kombëtare. Angazhimi i tij në politikë si deputet i PS ishte dhe mbetet modeli i politikanit aktiv dhe serioz për përfaqësimin e qytetarëve.

Ngushëllimet e mia shkojnë sot për  familjarët e Moikom Zeqo, miqtë dhe shokët e tij që do ta kujtojnë gjithmonë me mall dhe respekt mjeshtrin e letrave  dhe historisë shqiptare. U prehtë në paqe", shkruan Basha.

Lajmi kryesor:

Ndarja nga jeta e Moikom Zeqos/ Ruçi: Erudit i rrallë, enciklopedi e gjallë! Meta: Veprat e tij të paharrueshme! Basha: Basha: Lamtumirë mjeshtër i letrave

B.K./Shqiptarja.com

TAG:
• Ilir Meta
• gramoz ruçi
• Moikom Zeqo