Basha me farmacistë dhe pacientë: Cilësia e barnave ka marrë një goditje! Tregu është hapur për mafien, i sjellin të pacertifikuara

Kreu i PD Lulzim Basha ditën e sotme është duke zhvilluar një takim me përfaqësues e drejtues të Urdhërit të Farmacistit dhe pacientë, për të cilët ka prezantuar programin e saposhpallur për shëndetësinë.

Basha u sqaroi farmacistëve dhe pacientëve detajet e programit “Shqipëria Fiton” dhe u angazhua se do të ndryshojë situatën e rëndë të tregut të ilaçeve në Shqipëri dhe trajtimin e pacientëve në këtë drejtim. Ai iu detajoi atyre pikat kryesore të planit.

“Shqipëria Fiton Shëndetësinë e kemi quajtur dhe kemi shpalosur një program konkret, një plan konkret pune me anë të cilit në radhë të parë do të godasim problemet kryesore që e kanë futur shëndetësinë dhe shëndetin e shqiptarëve në një krizë të paprecedent në këto 30 vite, si dhe po shtrojmë rrugën për një rimëkëmbje për ta sjell shëndetësinë shqiptare në tërësi dhe shërbimin ndaj pacientëve shqiptarë në nivelet e rajonit dhe pastaj edhe më tej.

LEXO EDHE:
Lufta poshtë brezit për dominimin e opozitës

Cilësia e barnave ka marrë një goditje të jashtëzakonshme gjatë këtyre viteve. Tregu është hapur për mafien e barnave e cila sjell barna të pa certifikuara jo në funksion të shëndetit të njerëzve por në funksion të mbushjes së xhepave të një grushti importuesish. Angazhimi i parë në këtë fushë është që ne do të bëjmë të gjitha ndryshimet e nevojshme ligjore dhe do të ushtrojmë të gjithë kontrollin e nevojshëm që barnat shqiptare të cilësisë dhe standardeve të vendeve europiane”, - tha Basha.

Në qëndër të programit sipas Bashës do të jetë pacienti.

“E dyta ka të bëjë me pacientin. Sepse i gjithë programi ynë për shëndetësinë ka në qendër pacientin, paraja ndjek pacientin. Kjo do të thotë që rimbursimi i barnave do të bëhet në bazë të diagnozës, në mënyrë që asnjë pacient që ka nevojë për një ilaç të veçantë, të mos mbetet pa e marrё kёtё mjekim”, - sqaroi Basha pacientët.

Sipas kreut të opozitës “kёto janё dy ndryshimet kryesore qё do tё sjellё programi pёr shёndetёsinё dhe do tё bёjё tё mundur qё sot shqiptarёt tё paguajnё mё shumё se çdo banor tjetёr i Ballkanit dhe marrin shёrbimin me cilёsinё mё tё dobёt”, tha Basha.

Basha sqaroi edhe çështjen e kartës së pacientit që do të ndryshojë mënyrën e përzgjedhjes së mjekut, spitalit apo edhe ilaçit që i duhet pacientit.

“Karta e pacientit  do të mundësojë që pacienti të zgjedhë, te cili mjek familje do të shkojë, te cili specialist do të shkojë ,te cili spital do të shkojë dhe detyra e shtetit është të sigurojë që sistemi i sigurimeve shëndetësore të funksionojë dhe të marrin rimbursimin e duhur ndërkohë që zgjedhjen e kanë ata në dorë”, - u shpreh kreu i PD gjatë takimit me farmacistë e pacientë.

Basha tha se të gjitha vendimet që do të merren nga qeveria pas zgjedhjeve të 25 prillit janë vendime të vullnetit politik që sipas tij korrigjojnë 8 vite dështime, premtime të pa mbajtura dhe lëvizje në drejtim të gabuar të cilën shqiptarët e kanë paguar me shëndetin e tyre.

"E dyta është që asnjë pacient mos të mbetet i përjashtuar nga sistemi dhe për këtë arsye do të bëhet rimbursimi në bazë të diagnozës. Efekti i të gjithë kësaj është që do dalin të fituar pacientët shqiptar, do dalin me dinjitet po kështu të fituar farmacistët shqiptar dhe shëndetësia shqiptare.

Karta e pacientit  do të mundësojë që pacienti të zgjedhë, te cili mjek familje do të shkojë, te cili specialist do të shkojë ,te cili spital do të shkojë dhe detyra e shtetit është të sigurojë që sistemi i sigurimeve shëndetësore të funksionojë dhe të marrin rimbursimin e duhur ndërkohë që zgjedhjen e kanë ata në dorë", tha Basha.

Rendit zhvillimet sipas orarit:

Të Fundit Të Parat

TAG:
• PS
• lulzim basha
• PD
• Farmacistet
• paciente
• Fushate elektorale
• urdhri i farmacisteve
• zgjedhjet parlamentare 2021
• programet politike 2021