Basha: Shqiptarët harxhojnë më shumë se çdo banor i rajonit për shëndetin, abuzohet nё rastin mё tё keq me pacientin

Kreu i PD Lulzim Basha ka deklaruar se shqiptarët harxhojnë më shumë se çdo banor i rajonit për shëndetin. Sipas tij me pacientin abuzohet edhe në rastinb më të keq.

“Shqiptarёt nga xhepi i tyre nga taksat e tyre harxhojnё mё shumё se çdo banor tjetёr i rajonit pёr shёndetin e tyre dhe pra edhe sistemi shёndetёsor edhe kujdesi shёndetёsor i tyre ёshtё mё i dobёti, pse? Sepse qoftё nё sektorin publik, qoftё nё sektorin privat kjo para nuk pёrdoret me efiçiencё nё rastin mё tё mirё apo shpёrdorohet dhe vidhet, abuzohet nё rastin mё tё keq. Me kartёn e pacientit ne do tё mundёsojmё patjetёr tё ketё vetё mudnёsinё tё zgjedhё mjekun e familjes, specialistin, e qendrёs shёndetёsore, spitalin ku do tё marrё kurimin. Ky ёshtё njё sistem i cili funksionon transparencё dhe sjell llogaridhёnje edhe nga ata qё japin shёrbimin nё çdo nivel qё nga mjeku i familjes deri tek specialisti e deri tek spitali. Kёto janё dy ndryshimet kryesore qё do tё sjellё programi ynё pёr shёndetёsinё dhe do tё bёjё tё mundur qё sot shqiptarёt tё paguajnё mё shumё se çdo banor tjetёr i Ballkanit dhe marrin shёrbimin me cilёsinё mё tё dobёt. Sё pari t’i ulet kjo kosto, kjo barrё e rёndё financiare dhe sё dyti ti rritet cilёsia e shёrbimit”, tha Basha.

Basha tregoi dhe angazhimet e para me ardhjen në pushtet.

“Angazhim i parë konkret është bashkëpunimi me urdhrin e farmacistëve, bashkëpunim me shoqatat e pacientëve, të korrigjojmë atë që kjo qeveri në këto shtatë vite bëri duke shkatërruar plotësisht cilësinë dhe transparencën e medikamenteve shqiptare ose të medikamenteve që ofrohen në Shqipëri. Pra duke i ofruar shqiptarëve në radhë të parë cilësinë dhe sigurinë e barnave dhe kjo është çështje vullneti politik, janë ndryshime ligjore të cilat do të ndodhin menjëherë pas zgjedhjeve të 25 prillit.

E dyta është që këto ligje të zbatohen se mund të kesh ligje të mira po në qoftë se nuk zbatohen prapë se prapë situata vazhdon të mbetet e njëjtë dhe kush vuan, vuan pacienti shqiptar dhe familjari i tij. Ushtrimi i kontrollit për të zbatuar këto ligje është angazhimi tjetër që ne kemi marrë me programin tonë. Me këtë kontroll dhe me këto ligje së pari do të heqim nga tregu barnat e pasigurta të paçertifikuar edhe joefektive dhe së dyti do të mundësojmë që çmimet në tërësi përmes luftës kundër monopoleve dhe aftësia e pacientit shqiptar për të blerë atë që i duhet për diagnozën të jenë tërësisht të përballueshme pra pacienti të jetë në gjendje të marrë ilaçin që ka nevojë dhe që funksionon.

Tani më 25 Prill është dita për të vendosur, do të vazhdojnë të fitojnë një grusht importuesish, pjesë e mafies së ilaçeve dhe te humbin gjithë pacientët shqiptarë apo do të fitojnë shqiptarët, do të fitojë Shqipëria? Shqipëria të fitojë shëndetësinë, Shqipëria të fitojë medikamente të kontrolluara të standardeve europiane, pacientët shqiptarë të fitojnë mundësinë për të marrë ilaçet sipas diagnozës pavarësisht prej statusit të tyre ekonomik dhe socia”, tha Basha.

Lajmi kryesor:

Basha me farmacistë dhe pacientë: Cilësia e barnave ka marrë një goditje! Tregu është hapur për mafien, i sjellin të pacertifikuara

/r.k./Shqiptarja.com

TAG:
• PS
• lulzim basha
• PD
• Farmacistet
• paciente
• Fushate elektorale
• urdhri i farmacisteve
• zgjedhjet parlamentare 2021
• programet politike 2021