POP 5

Lajmet më të lexuara të 5 minutave të fundit

Arkiva

Basha: Me veprimet konfliktuale Rama
rrezikon të bllokojë integrimin sërisht

Kryetari i ri i PD dhe i opozitës, kreu aktual i bashkisë së Tiranës Lulzim Basha ka kërkuar nga kryeministri Edi Rama që të lexojë me vëmendje mesazhet që vijnë nga Brukseli.
Basha: Me veprimet konfliktuale Rama<br />rrezikon të bllokojë integrimin sërisht
Kryetari i ri i PD dhe i opozitës, kreu aktual i bashkisë së Tiranës Lulzim Basha ka kërkuar nga kryeministri Edi Rama që të lexojë me vëmendje mesazhet që vijnë nga Brukseli. Ndërkohë që ka paralajmëruar se politika konfliktuale që provokon Rama mund të bllokojë sërish integrimin.

“Dua të siguroj përfaqësuesit më të lartë të BE në Bruksel, sikurse kemi siguruar qytetarët dhe Kuvendin e Shqipërisë këto ditë, se opozita e re shqiptare nuk do jetë në asnjë moment pengesa dhe problemi i integrimit të vendit në BE, se do të jemi promotorë, siç kemi qenë në qeveri, se do votojmë çdo ligj dhe akt që shkon në përmbushje të kritereve të integrimit”, deklaroi lideri i ri i PD, Basha në konferencën për shtyp, në selinë e PD.

Ai kërkoi nga Rama që ta lexojë jo si një mesazh rutinë por para së gjithash si një këshillë ndihmuese dhe qortuese për startin plot qëndrime përçarëse e konfliktuale në detyrën e  tij si kryetar i këshillit të Ministrave. Basha, ndër të tjera theksoi se Rama e thelloi më tej luftëshpalljen ndaj opozitës me deklaratën e tij papreçedent se opozita nuk ka parë akoma se ç’është dhuna, deklaratë nga e cila nuk është tërhequr ende.

“Me veprimet konfliktuale dhe përçarëse që po kryen ai po rrezikon të bllokojë  përsëri, kësaj radhe si qeveritar kundër opozitës”, tha ai. Basha e akuzoi për përcjellje të përçarjes dhe në Kosovë nga ana e Ramës, duke përmendur neglizhimin e Rugovës, ku nënvizoi se kjo s’është rruga për të shkuar në Europë.

“Uroj që nga Brukseli të kthehet me mend në kokë e këmbë në tokë e të heqë dorë nga konfliktualiteti e fryma përçarëse e urrejtjes ndaj opozitës”, nënvizoi Basha.


Shkrimi u publikua sot (18.09.2013) në gazetën Shqiptarja.com (print)

Redaksia Online
(a.ç/shqiptarja.com)
 

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Pas ceremonisë së Ngritjes së Flamurit, Rama me Kurtin takojnë nipin e Ismail Qemalit, Nedin Vlora, tek sheshi i Flamurit

Pas ceremonisë së Ngritjes së Flamurit, Rama me Kurtin takojnë nipin e Ismail Qemalit, Nedin Vlora, tek sheshi i Flamurit

28 Nëntor, 10:23