Arrestimi i Balliut/ Basha: Nuk ka burg që na tremb

Arrestimi i Balliut/ Basha: Nuk ka burg që na tremb

Fjalën e tij me qytetarët e Korçës, kreu i Partisë Demokratike, Lulzim Basha e nisi me arrestimin e deputetit të tij, Klevis Balliu. Basha ripërsëritit deklaratën e tij duke thënë se Balliu po bën një burg politik që ka ardhur sipas tij, me urdhër të kryeministrit Edi Rama, të zbatuar nga Lleshaj dhe Veliu; këtoi të fundit Basha i etiketoi si 'zagarë të Ramës'.

Për Bashën, Balliu nuk ka kryer asnjë vepër penale, por e argumenton se thjesht ka mbrojtur familjet shqiptare që qeveria Rama po ua prish shtëpinë.

"Dua t’ju përcjell sot nga kjo sallë përshëndetjet e deputetit Klevis Balliut, i cili mbahet sot në arrest politik me urdhër të drejtpërdrejt të Edi Ramës dhe zagarëve të tij politikë, Sandër Lleshaj, Ardi Veliu dhe kriminelit në krye të policisë së Tiranës. Mbahet në burg me urdhra të drejtpërdrejt politikë ndaj prokurorëve të kapur e të nënshtruar. Mbahet për të vetmin faj se kur me urdhër të banditëve iu vërsulën nënave dhe baballarëve që po mbronin shtëpitë e tyre, i spërkatën me gazin djegës dhe lotsjellës, Klevis Balliu ndodhej në krahun e qytetarëve për t’i mbrojtur nga dhuna. Ky është krimi i vetëm i Balliut, se është në krahun e qytetar. Mesazhi që do të përcjellë Rama është se unë nuk pyes, arrestoj edhe përfaqësuesit politikë të opozitës, edhe deputetë, i çoj në prokurori ata që denoncojnë, siç bëri Ervin Salianji", tha Basha.


Lajmi kryesor:

Basha i bindur: Vendi do të shkojë drejt zgjedhjeve të parakohshme, do bllokojmë votimin në 30 qershor


B.K./Shqiptarja.com
  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Të hapur për takime të reja...çfarë thonë yjet për ju sot

Të hapur për takime të reja...çfarë thonë yjet për ju sot