Basha nga Laçi: Mirënjohje shërbëtorëve të Zotit që ndihmuan të prekurit nga tërmeti

Kreu i Partisë Demokratike, Lulzim Basha ka uruar besimtarët e krishterë nga Kisha e Shën Palit në Durrës dhe Kishat e Shën Mhillit dhe Shna Ndout në Laç. Një vëmendje të veçantë, kryedemokrati u ka kushtuar të gjithë personave që u kanë qëndruar pranë banorëve të prekur nga tërmeti i 26 nëntorit.

"Në këtë ditë të bekuar të Krishtlindjes pata kënaqësinë të ndaja urimin me besimtarët e krishterë nga Kisha e Shën Palit në Durrës dhe Kishat e Shën Mhillit dhe Shna Ndout në Laç.

Mendimet dhe lutjet e mia janë për ata që janë më shumë në nevojë e në veçanti, për të goditurit nga tërmeti i 26 Nëntorit. Mirënjohje shërbëtorëve të Zotit që janë gjendur pranë njerëzve në nevojë që në çastet e para të fatkeqësisë që la pas tërmeti. Kam besim se kjo ditë e shenjtë e Krishtlindjes, ka fuqinë dhe magjinë për të bashkuar shqiptarët si një familje, për tu përballur me çdo të keqe dhe për të dalë në dritën e begatisë dhe bekimit të Zotit!

Sjelltë kjo ditë besim dhe shpresë dhe ua mbushtë zemrat me dritë të gjithë shqiptarëve. Zoti e bekoftë Shqipërinë, Kosovën dhe shqiptarët kudo ku janë", shkruan Basha.


Lajmi kryesor:

Krishtlindja bashkon politikën në 'plagën' e tërmetit! Rama prezanton projektin e 500 shtëpive: Laçi do bëhet qytet model! Basha: Të bashkohemi si një familje (VIDEO)


B.K./Shqiptarja.com
  • Sondazhi i ditës:

    Nga e hëna duhet leje për të dalë nga shtëpia, a është ky një vendim i duhur i qeverisë?