Basha: Nuk e veshim kriminelin me kostum për ta futur në Kuvend

Kryetari i Partisë Demokratike Lulzim Basha tha para demokratëve në Kuvendin Kombëtar se do të luftojnë që institucionet shqiptarëve të jenë të lira nga ndikimi i krimit dhe në shërbim të qytetarëve. Basha tha se ato nuk e veshin kriminelin me kostum për ta futur në parlament dhe bashki.

‘Jemi ne që luftuam dhe luftojmë kundër kriminalizimit të politikës, dhe sfidës që krimi i organizuar po i bën çdo vlere të shoqërisë tonë me bekimin dhe ortakërinë e Edi Ramës, sepse ne nuk mund të pranojmë kurrë që institucionet publike të përqafojnë një model, që askush nuk do ta pranonte për familjen apo fëmijët e tij.

Ne nuk e veshim kriminelin me kostum për ta futur në parlament dhe bashki.

LEXO EDHE:
INTERVISTA/ Ilir Meta në ‘Frontline’: Nëse ka urdhër-arresti, nuk arratisem! Dumani, kapter i Rilindjes! Tarallakut i çoj para SPAK dyfishin e 2 marsit

Ne kemi luftuar dhe luftojmë që institucionet e shqiptarëve të jenë të lira nga ndikimi i krimit dhe në shërbim të qytetarëve.

Ne e dimë fare mirë, që kur ky tumor përhapet në indet e një partie politike, metastazat e tij kapin gjithë shtetin, deri në atë pikë sa sot është e qartë për të gjithë pa përjashtim, se pushteti i rrëmbyer me masakrën zgjedhore, nuk i përket qytetarëve, as socialistëve, por ortakëve të Edi Ramës që blenë vota, shantazhuan, dhunuan, dhe në këmbim marrin kontrollin mbi ato institucione që i shërbejnë më mirë interesave të tyre kriminale.’- tha Basha.

Lajmi kryesor:

Kuvendi Kombëtar i PD/ Nis numërimi i votave për anëtarët e Këshillit! Basha, demokratëve: S'e njohim e s'do e njohim kurrë 25 prillin! Kundërshtarët në parti? Kurrë më nuk 'do e kthej faqen tjetër'

M.Q./KT/Shqiptarja.com

TAG:
• lulzim basha
• PD
• keshilli kombetar i PD
• kuvendi kombetar i PD