Basha për referendumin e Berishës: Kanë votuar vetëm 10% të anëtarëve! Kemi prova për çdo qendër të PD

Kryetari i Partisë Demokratike, Lulzim Basha deklaroi se për referendumin e Berishës që u mbajt më 18 dhjetor kanë votuar vetëm 10% e anëtarëve të PD-së. Ai tha se PD disponon prova dhe fakte për çdo qendër të partisë se si Sali Berisha ka mashtruar për votën e demokratëve.

Pyetje: Është votuar për shkarkimin tuaj, për referendumin për shkarkimin tuaj. Keni ju të tjera duke qenë se edhe zoti Bardhi deklaroi që posedojnë video të tjera si ajo e publikuar sot? Dhe kur do t’i publikoni, pse nuk i keni publikuar më parë?
- Përgjigjen shkurt. Përgjigjja është po. Pse nuk po i publikojmë? Pamjet që u dhanë nuk janë thjesht pamje, janë prova filmike të një kamere ngjitur me një qendër ku numërohen ata që kanë votuar dhe që janë 10% e asaj që ka deklaruar Berisha dhe është ajo që është mburrur Berisha më shumë. Është ajo qendër. Tani, që te kuptosh që një fuçi vere është e prishur, mjafton një gotë. Kur kjo ishte qendra që u mburr më shumë Sali Berisha mendoni si është në të gjithë Shqipërinë. I kemi të gjitha faktet, i kemi provat, edhe filmike por nuk na jep kënaqësi, përkundrazi. Është një turp që Sali Berisha dhe një grusht njerëzish përdhosin dinjitetin e një partie duke u sjellë në këtë mënyrë, duke mashtruar haptazi. Është diçka dhe bëhet fjalë për diçka më shumë sesa, se këtu po flasim ngushtë për një qendër të të ashtuquajturit referendum por po ta shikosh në një këndvështrim më të gjerë këtë kanë bërë gjithë kohën. Kanë gënjyer gjithë kohën. Kanë mashtruar gjithë kohën. Kanë shpifur gjithë kohën. Kanë manipuluar faktet gjithë kohën. Dhe këto kanë filluar të dalin siç doli ky filmim, siç doli ky filmim ka edhe shumë të tjerë dhe ata e dinë sepse ata e dinë se çfarë kanë bërë ndaj kanë filluar gjuhën e urrejtjes, kanë filluar gjuhën e sulmeve, gjuhën e shpifjeve, të dhunës, të nxitjes së dhunës, të një gjuhë shtazarake që përdorin një grusht njerëzish janë, mund të kenë 10, 20, 30 identitete nga këto qendrat ku punojnë po një gjuhë shtazarake që sulmojnë zonjat, sulmojnë fëmijët, fëmijët e demokratëve. Këta nuk kanë të bëjnë me Partinë Demokratike, s’kanë të bëjnë as me ata njerëz që deri dje shkonin pas Sali Berishës të zhgënjyer dhe të zemëruar nga masakra zgjedhore dhe nga regjimi i Edi Ramës. Janë një grusht njerëzish dhe kriminelësh e trafikantësh që kanë një qëllim; të zaptojnë Partinë Demokratike, ta përdorin si mburojë kundër non gratës, siç e kam thënë më përpara, është bërë një grup që shtrihet edhe përtej këtyre, shtrihet edhe në partitë e tjera, shtrihet edhe tek selia e Edi Ramës, edhe në ndonjë seli tjetër. Grupi “na bashkoi non grata amerikana”, që ka një qëllim, si fillim të asgjësojë Partinë Demokratike, si i vetmi institucion opozitar i qëndresës kundër regjimit, kundër masakrës zgjedhore dhe pa diskutim, si një parti properëndimore, pro ShBA, pro BE.

Lajmi kryesor:

Basha: Në 8 janar do jem në zyrën time! Elementë kriminal krah Berishës mund të bëjnë gjithçka në protestë, por jemi të përgatitur për çdo skenar

B.K./Shqiptarja.com

TAG:
• lulzim basha
• PD
• sali berisha
• Lufta brenda PD
• perplasja berisha basha