Basha përkujton masakrën e Reçakut: Simbol i sakrificave së shqiptarëve të Kosovës për liri

Kreu i PD, Lulzim Basha ka përkujtuar masakrën e Reçakut. Basha shkruan se masakra e Reçakut mbetet simbol i sakrificave së shqiptarëve të Kosovës për liri. Ai thekson se drejtësia mbetet jetike për t’u siguruar që historia të mos përsëritet sërish.

“Masakra e Reçakut është një ndër ngjarjet më tragjike dhe më të dhimbshme të rrugëtimit të Kosovës drejt lirisë dhe pavarësisë.

LEXO EDHE:
Petkoviç: Prishtina s’më lejoi të vizitoj veriun e Kosovës

Martirizimi i 45 njerëzve të pafajshëm 25 vite më parë, shënoi një pikë kthese në ndërgjegjësimin e komunitetit ndërkombëtar për masakrat dhe genocidin që regjimi i Milosheviçit po kryente në Kosovë.

Masakra e Reçakut mbetet simbol i sakrificave së shqiptarëve të Kosovës për liri. Drejtësia për të dhe gjithë masakrat vrasjet dhe torturat e ushtruara ndaj popullsisë civile të Kosovës është jetike për t’u siguruar që historia të mos përsëritet sërish dhe për të ndërtuar një të ardhme më të mirë, të bazuar në paqe dhe respekt të ndërsjellë. I paharruar kujtimi i martirëve të Reçakut”, shkruan Basha.

Lajmi kryesor:

Sot 25 vite nga Masakra e Reçakut! Kurti e Osmani kërkojnë drejtësi: 45 shqiptarë u vranë në mënyrë brutale, Serbia mohon masakrën

SI.E./Shqiptarja.com

TAG:
• Masakra e Reçakut
• shqiptaret
• kosove