Bashkëpunim me Dua Lipën, Bebe Rexhën dhe Ava Max? Përgjigjet Rita Ora: Do të ishte ëndërr për mua! Ne kemi shumë talent

Rita Ora dhe Dua Lipa janë 2 shqiptaret që po korrin sukses në botë, por janë përfolur shumë për marrëdhënien e tyre. Pak orë para koncertit që do të mbajë mbrëmjen e sotme në Tiranë, Rita Ora u pyet për mundësinë e një dueti me artistet e tjera shqiptare.

Shpesh është kërkuar nga fansat që të bëhen bashkë Dua Lipa, Bebe Rexha, Rita Ora dhe Ava Max. Këngëtarja Rita Ora tha se të gjitha kanë axhendë të ngjeshur por do të jetë gati kur të vijë koha për të sjellë një hit.

“Kur unë fillova në 2011 në 2012 u ndjeva se kisha shumë më shumë presion për ta futur vendin tim në hartën globale dhe mendova që jam e vetmja në atë kohë. Tani jam e çliruar që kam shumë më shumë nga vendi im në fushën time por edhe në fushat e tjera.

Ne kemi shumë talent si ato që përmende, dhe do të ishte një ëndërr për mua që një ditë që të bëhemi të gjitha bashkë, në kohën e duhur. Të gjitha ka axhendën e ngjeshur, po në kohën e duhur, por mua mund të më llogarisni (po)”, tha Rita. 

Lajmi kryesor:

Dekorimi, Rita Ora rrëfen si e sheh Naim Frashërin! Koncert me vajzat e për vajzat, mesazh dhe për politikën? Artistja: Të duam historinë, duke bërë përpara

A.M./Shqiptarja.com

TAG:
• rita ora
• Tirane
• abuzimi seksual me 11-vjeçaren ne Prishtine