POP 5

Lajmet më të lexuara të 5 minutave të fundit

Kronikë

Bashkia e Peqinit, punonjësit 3
muaj pa marrë rrogat

Kryebashkiaku i qytetit Ilir Rrushi gjatë një konference për shtyp ka bërë të ditur se punonjësit e kësaj njësie të pushtetit vendor nuk marrin rroga prej tre muajsh.
Bashkia e Peqinit, punonjësit 3 <br />muaj pa marrë rrogat
PEQIN - Kryebashkiaku i qytetit të Peqinit Ilir Rrushi gjatë një konference për shtyp ka bërë të ditur se punonjësit e kësaj njësie të pushtetit vendor në Qarkun e Elbasanit nuk marrin rroga prej tre muajsh.

Sipas kryebashkiakut, aktualisht Bashkisë së Peqinit i mungojnë 7.5 milionë lekë. Kjo shumë sipas tij i ka kaluar kompanisë CEZ Shpërndarje për pagesën e faturave të borxhit të energjisë elektrike të ndërmarrjes së Ujësjellës Kanalizimeve. Shuma prej 7.5 milionë lekësh sipas kryetarit të bashkisë ishte grant i pakushtëzuar nga buxheti i shtetit për këtë bashki. Por duke qenë se ajo i ka kaluar tani CEZ-shpërndarjes, 50 punonjësit e Bashkisë së Peqinit do të punojnë tre muaj pa pagesë dhe se nuk ka më fonde për pagat.

Ndërmarrja e Ujësjellës Kanalizimeve në Peqin administrohet nga pushteti vendor kështu që ajo ka obligimin kryesor për të shlyer detyrimet e prapambetura financiare ndaj CEZ Shpërndarje me paratë e këtij granti që do të përdorej për pagat.

Shkak i bllokimit të pagesave të punonjësve të Bashkisë së Peqinit është bërë ngrirja e llogarive të saj për shkak të borxheve që ka ndërmarrja e Ujësjellës Kanalizimeve të këtij qyteti ndaj kompanisë CEZ Shpërndarje.

Qarku i Elbasanit po përballet me shumë vështirësi për mospagimin e pagave në disa njësi vendore siç janë, bashkitë e Librazhdit,Gramshit, Përrenjasit dhe Cërrikut.

(eç/shqiptarja.com)

/Shqiptarja.com
  • Sondazhi i ditës: 26 Mars, 08:02

    Sa të rëndësishme janë zgjedhjet e 11 majit për integrimin në BE?

Lajme të tjera



×

Lajmi i fundit

Rama nga Shkodra: Nuk jemi ‘hajt të kapim na një gjë’ si këta të kënetës që thonë do i bëjmë 500 euro pensionet dhe naftën 5 cent

Rama nga Shkodra: Nuk jemi ‘hajt të kapim na një gjë’ si këta të kënetës që thonë do i bëjmë 500 euro pensionet dhe naftën 5 cent

26 Mars, 11:43