POP 5

Lajmet më të lexuara të 5 minutave të fundit

Kronikë

Bashkia e Tiranës, një arterie
e re i shtohet kryeqytetit

Kryetari i Bashkisë së Tiranës Lulzim Basha ka inspektuar sot punimet e nisura në disa rrugë të Tiranës, mes të cilave edhe rrugën “Hasan Sufa”, një aks i rëndësishëm për lehtësimin e trafikut në qytetin e Tiranës dhe reduktimin e nivelit të ndotjes. Punimet në këtë segment rrugor që lidh Unazën, bulevardin “Bajram Curri” me rrugën “Ali Demi” kanë hyrë në fazën përfundimtare.
TIRANE - Kryetari i Bashkisë së Tiranës Lulzim Basha ka inspektuar sot punimet e nisura në disa rrugë të Tiranës, mes të cilave edhe rrugën “Hasan Sufa”, një aks i rëndësishëm për lehtësimin e trafikut në qytetin e Tiranës dhe reduktimin e nivelit të ndotjes. Punimet në këtë segment rrugor që lidh Unazën, bulevardin “Bajram Curri” me rrugën “Ali Demi” kanë hyrë në fazën përfundimtare.

“Sot ka nisur mbjellja e pemëve përgjatë gjithë segmentit rrugor. Zonat e gjelbra do të shtrihen dhe në hapësirat midis godinave të banimit, ku do të vendosen edhe stola për banorët. Paralelisht po punohet edhe për heqjen e mureve rrethuese, gardheve apo telave të vendosur përgjatë kateve të para të pallateve.

Rruga ka një gjatësi prej 312 metrash dhe një gjerësi prej 15 metrash. Në dy anët e rrugës janë parashikuar xhepa parkimi me gjerësi 2 m dhe trotuarët në të dy anët e rrugës do të kenë gjerësi 2,5 m. Përgjatë rrugës do të ketë ndriçim si dhe është ndërtuar i gjithë rrjeti i nevojshëm i ujësjellës-kanalizimeve.

Bashkia e Tiranës u ka lënë afat deri të martën kompanive që kanë vendosur kabllot ajrore përgjatë rrugës “Hasan Sufa”, të bëjnë zhvendosjen e tyre, në të kundërt do të jenë punonjësit e Bashkisë që do i zhvendosin ato.

Nisja e punimeve është paraprirë nga shpronësimet. Me një fond prej 122.7 milionë lekësh janë shpronësuar të gjithë familjet, shtëpitë e të cilëve u prishën për ndërtimin e kësaj rruge. Për të përmirësuar sa më shumë qarkullimin, do të ndërhyhet edhe në urën mbi Lanë, tek zona e Brrylit”, thuhet në deklaratën për mediat të Bashkisë së Tiranës.

(eç/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Në pranga shoferi i droguar në Vorë, bllokoi rrugën me makinë dhe kërcënoi efektivët

Në pranga shoferi i droguar në Vorë, bllokoi rrugën me makinë dhe kërcënoi efektivët

11 Janar, 13:56