Japonia do të mbështesë Bashkinë e Tiranës për të përmirësuar shërbimin e pastrimit të parqeve të qytetit. Përmes nënshkrimit të një marrëveshje mes Agjencisë së Parqeve dhe Rekreacionit dhe Ambasadës së Japonisë në Tiranë, projekti mundëson shtimin e mjeteve dhe pajisjeve për pastrimin e Parkut të Liqenit Artificial dhe parqeve të tjera.
Kreu i Bashkisë së Tiranës, Erion Veliaj falenderoi qeverinë japoneze për këtë mbështetje. “Më vjen mirë që nga kjo marrëveshje marrim një donacion shumë të vyer për Agjencinë e Parqeve dhe Rekreacionit, si ndihmë për shtimin e pajisjeve, koshat dhe një sistem të modernizuar të pastrimit për parqet e Tiranës”, tha Veliaj.
Ai theksoi se ky projekt bashkëpunimi është njëkohësisht edhe një vlerësim që i bëhet punës së APR-së, e cila jo vetëm e ka gjallëruar Parkun e Liqenit Artificial, por edhe punon çdo ditë që qytetarët të gjejnë një mjedis të pastër dhe të rregullt. “Vlerësimi më i mirë për parqet e Tiranës nuk vjen nga unë si kryetar bashkie, por nga ata që janë të huaj, që e vënë re cilat janë agjencitë e bashkisë që performojnë më mirë dhe duan të bashkëpunojnë me më të mirët. APR është një histori suksesi e Bashkisë së Tiranës dhe më vjen mirë që falë këtij donacioni do ta ketë pak më të lehtë punën”, shtoi Veliaj.
Ambasadori i Japonisë në Shqipëri, Makoto Ito, vlerësoi punën që po bën Bashkia e Tiranës për krijimin e Pyllit orbital, ndërsa u shpreh se projekti mundëson përmirësimin e mjedisit në qytet. “Është një kënaqësi e madhe që firmos këtë projekt, i cili ka impakt të drejtpërdrejtë në përmirësimin e mjedisit në Tiranë. Me këtë rast dua të shpreh vlerësimin tim për kryetarin e Bashkisë dhe punën e tij të palodhur për krijimin e ‘Pyllit Orbital’, duke planifikuar mbjelljen e miliona pemëve të reja në Tiranë, e cila konsiderohet realisht si trashëgimia më e mirë për gjeneratën tjetër”, tha ambasadori Ito.
Kryebashkiaku Veliaj vlerësoi gjithashtu faktin se donacioni i parë i Ambasadës së Japonisë në nivel lokal i është besuar Bashkisë Tiranë, duke mbjellë fillimisht qershi japoneze në Parkun e Tiranës dhe duke kontribuuar tashmë edhe me mjete pastrimi. “Më vjen mirë që si ent lokal, jemi partnerët e parë të ambasadës së Japonisë në Tiranë dhe shpresoj që kjo dallëndyshe e parë do t’i japë mundësinë disa bashkëpunimeve të tjera”, tha Veliaj. Ai theksoi se bashkëpunimi me Japoninë do të vazhdojë edhe më tej për të shfrytëzuar përvojën e saj për zhvillimin e qëndrueshëm dhe inovacionin.
Lajme të tjera
-
Veliaj në Bruksel për 75-vjetorin e Kolegjit të Europës: Vitin tjetër dyfishohet numri i studentëve! Kampusi, histori suksesi për Tiranën
21 Nëntor, 15:21 -
Festivali i Nomadëve Digjitalë, Veliaj: Tirana, qytet kozmopolitan i të gjithëve! Bëhemi gati për titullin ‘Kryeqyteti Europian i Kulturës'
20 Nëntor, 15:46 -
Premtimi i Veliajt, nga 1 janari 2025 pensionistët do të udhëtojnë falas me autobus në Tiranë! Vendimi miratohet me votat e socialistëve në Këshillin Bashkiak
19 Nëntor, 17:54 -
Prezantohet në shqip libri i ish-kryebashkiakut të Bogotas, Veliaj: Ekipi i tij do ndihmojë në zbatimin e sistemit të ri të transportit në Tiranë
19 Nëntor, 14:46 -
Sot 80 vjetori i Çlirimit të Tiranës nga pushtuesit nazistë, homazhe te ‘Ushtari i Panjohur’! Veliaj: Të lëmë përçarjet për përparimin e shoqërisë
17 Nëntor, 08:29 -
Rehabilitohet blloku i banimit në Njësinë 3, Veliaj: Tirana, një kantier investimesh, buxheti 2025, më transformuesi
16 Nëntor, 13:07 -
Parada e Shqiptarëve më 28 nëntor në Tiranë, Bashkia e Ferizajt i bashkohet festës së madhe të pavarësisë: Emocion, krenari, lavdi e festë e jashtëzakonshme
13 Nëntor, 20:09 -
FOTOT/ Nis puna për rindërtimin e shkollës 9-vjeçare “Edith Durham”, Veliaj: “Do të jetë një super shkollë me 4 kate, gati për vitin e ardhshëm shkollor”
12 Nëntor, 12:00 -
Veliaj i ftuar në Akademinë Politike të PS: Puna dhe reputacioni që lëmë pas, kontribut dhe vlerë për vendin
9 Nëntor, 14:00 -
Veliaj vizitë dy ditore në Aleksandri: Tirana, simboli i bashkëjetesës Mesdhetare të Kulturës dhe Dialogut
8 Nëntor, 18:50 -
Më 28 nëntor mbahet në Tiranë parada kuqezi, Veliaj thirrje shqiptarëve: Eja festojmë në zemër të qytetit me këngët nga çdo trevë shqiptare
6 Nëntor, 16:13 -
Veliaj thirrje qytetarëve: Ta kthejmë nëntorin në një muaj feste, valëvisni flamurin kudo ku ka shqiptarë (VIDEO)
5 Nëntor, 12:12
