Bashkia mendon dhe për estetikën
pedonalja e Tiranës ndryshon ngjyra

TIRANË - Përveç nismës më të fundit për të liruar hapësirat publike, kryebashkiaku i ri Erion Veliaj ka nisur të kujdeset edhe për anën estetike të kryeqytetit. 

Pedonalja "Murat Toptani" do të marrë një tjetër pamje falë këtyre 6 ngjyrave që do të përdoren për të dekoruar atë.






Po ashtu punonjësit e bashkisë kanë filluar punën për të lyer stolat e kryeqytetit të cilat po kalbeshin. 



Por kryeqytetasit kanë vetëm një kërkesë ndaj kryetarit të ri të baskisë: Mos t’i lërë punët përgjysmë siç ka ndodhur më parë.

Vlerësime ndaj punës së deritanishme të kryebashkiakut Veliaj ka ndarë edhe këshilltari për lulturën, trashëgiminë dhe arkitekturën i kryeministrit Rama, Artan Shkreli.
 
 “Mbresues ritmi i Bashkisë Tiranë...ndërkohë që të zgjedhurit e tjerë merren me emërime e c'emërime, Erioni ka filluar prej dy javësh bonifikimin e kënetës së mpiksur urbane të Kryeqytetit. Filloi sot rehabilitimi dhe punimet mirëmbajtëse të shëtitores në qendrën historike”, - shkruan Artan Shkreli në rrjetin social Facebook ku ka postuar edhe dy foto nga punimet.
 



Që nga dita që ka marrë postin e kryebashkiakut të Tiranës Veliaj ka preferuar të zbresë vet në terren për të mbikëqyrur punën për lirimin e hapësirave publike, për pastrimin e kryeqytetit apo edhe për restaurimin e monumenteve të kulturës. 

Redaksia Online
(Gre.M/Shqiptarja.com)