Bashkim Shqipëri-Greqi?Operacioni
gjerman e antikomunizmi i Frashërit

Rrethanat që çuan në ndërmarrjen e operacionit politiko-diplomatik nga Mit’hat Frashëri në pranverë 1944... Qëllimi? Realizimi i një aleance greko-shqiptaro-turke për t’i bërë pritë depërtimit të Ushtrisë së Kuqe në këto tri vende.... Muri antikomunist, që do të përpiqej të ndalonte ardhjen e sistemit shoqëror bolshevik stalinist në Ballkan...

Në fillim të qershorit 1944 ndodhën dy ngjarje që nuk mund të mbeten të veçuara edhe pse u ekzekutuan larg njëra-tjetrës.
E para ngjau në brigjet franceze të Normandisë dhe kishte si ditë fillimi datën gjashtë. Ajo shënon nisjen e superzbarkimit anglo-amerikan (operacioni “Overlord”).

Objektivi i tij ishte futja në darën përfundimtare të shtypjes dhe të asgjësimit total të Gjermanisë hitleriane, agresorin pushtues më të fuqishëm dhe më çmendurak që kishte parë Evropa deri atëherë, një shtet përgjakës ndaj dhjetëra kombeve të kontinentit dhe më tej, deri në Afrikë.