POP 5

Lajmet më të lexuara të 5 minutave të fundit

Politikë

Bashkimi Shqipëri-Kosovë, Rama:
Kufiri s’na pengon të jemi një

Kreu i Partisë Socialiste, pas projektrezolutës alternativë për çështjen çame, ka prekur një tjetër temë të “nxehtë”, siç është ajo e përfolur nga kryeministri Berisha për bashkimin e Shqipërisë me Kosovën në një shtet të vetëm etnik.
Bashkimi Shqipëri-Kosovë, Rama: <br />Kufiri s’na pengon të jemi një
KORCE - Kreu i Partisë Socialiste, pas projektrezolutës alternativë për çështjen çame, ka prekur një tjetër temë të “nxehtë”, siç është ajo e përfolur nga kryeministri Berisha për bashkimin e Shqipërisë me Kosovën në një shtet të vetëm etnik.

Për liderin socialist, kufiri mes dy shteteve nuk pengon që i njëjti popull të ketë një jetë të përbashkët sociale dhe aktivitete të përbashkështa.

Nga qyteti i Korçës ku prezantoi programin “Rilindje”, duke u fokusuar në projektet për zhvillimin e sportit, Rama tha se për shkak të politizimit të kësaj qeverie dhe çështjes së “bashkimit kombëtar”, nuk është bërë asgjë për bashkëpunimin mes Shqipërisë dhe Kosovës për sportin.

“Nga ana e shtetit shqiptar për shkak të vizionit tërësisht arkaik dhe për shkak të botëkuptimit tërësisht të mykur nga politizimi i kësaj qeverie ne nuk kemi arritur të vëmë as një gurë në themelin e bashkëpunimit mes të dyjave vendeve tona për sportin. Kemi parë edhe skeçe portokallie kur Kryeministri merr fjalën edhe thotë të bëhet liga. Ne kemi detyrimin të ndërtojmë një hapësirë të përbashkët. Ne kemi dy shtete, por faktikisht në rast se ne kemi vizionin e duhur, kufiri mes dy shteteve nuk pengon që i njëjti popull që është këtej dhe andej kufirit të ketë një jetë të përbashkët dhe aktivitete të përbashkëta”, theksoi numri një i opozitës.

Sipas liderit socialist, bashkimi i dy vendeve mund të arrihet edhe me një jetë të ndarë politike.

“Ne kemi hedhur themele për bashkimin kombëtar, i cili po të shohim mirë, ka ndodhur, sepse kufiri mes Shqipërisë dhe Kosovës s’na pengon që të krijojmë të përbashkëta. Jeta e ndarë politike nuk mund të jetë arsyeja pse ne të mos kemi një jetë të përbashkët sociale, kulturore, një jetë të përbashkët në të njëjtin qiell, atë të Evropës. Të jetuarit në dy shtete na jep mundësinë të përfitojmë nga njëri tjetri”, përfundoi kreu i PS-së, Edi Rama.

Redaksia Online
(Gre.M/Shqiptarja.com)

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Kimete Berisha: Gruaja misterioze!

Kimete Berisha: Gruaja misterioze!

27 Nëntor, 11:41 nga Kimete Berisha