Batutat në Lurë/ “Si e kishe dje skedinën?”, Rama-qytetarit: Ça do nga unë, punë shteti? Merru me agroturizëm, financojmë ne

Kryeministri Edi Rama ka qenë i pranishëm në Lurë, ku ka prezantuar projektin për zhvillimin e kësaj zonë. Rama ka folur për ndërtimin e rrugës, përfshirë dhe atë të Arbërit. Gjatë bisedës me banorë të zonës, Kryeministri është ndalur edhe tek problemet që i shqetësojnë.

Njëri nga qytetarët i ka thënë Kryeministrit se ka përfunduar shkollën e lartë, dhe se ende është i papunë. Rama i ka kthyer përgjigje qytetarit duke i thënë se puna në shtet nuk është e hapur për këdo.

Ai i ka sugjeruar të riut të aplikojnë në projektin e ministrisë për dhënien e granteve për të rinjtë që investohen në agroturizëm.

Replikat e plota:

Rama: Dje si e kishe situatën me skedinën?

Qytetari: S’shkova...

Rama: I hedh online ti ato po hë...

Qytetari: Kam mbaruar shkollën. Kam aplikuar për punë, s’më është kthyer një asnjë përgjigje. Kam denoncuar tek portali që thua ti. Unë s’di ça të bëj

Rama: Ty të është kthyer përgjigja, por s’të ka pëlqyer...

Djali: Jo jo jo... asnjë përgjigje

Rama: Ça do nga unë? Do punë shteti?

Qytetari: Sigurisht, këtu punojnë mësuesë me shkollë të mesme mos të punoj unë?

Rama: Të jemi të qartë... Në radhë të parë mësuesit punësohen nga portali “Mësuesë për Shqipërinë”. Kjo është rruga për mësuesit. S’di ç’të them për rastin tënd, por bashkitë s’janë zyra puna. Nëse e dëgjove atë që thashë unë, shihe pak ndryshe këtë punë, duke e kthyer shtëpinë në një bujtinë e të bëhesh zot i punës tënde. Mundësitë janë, financojmë ne. Mos nxirr gjuhën, se dhe ai aty si puna është. Financon shteti, jep lekë shteti në dorë. Kemi rihapur thirrjen. Do më dëgjosh tani ça të them?

Qytetari: I marrin investitorët.

Rama: Po flas për programin që të jep 15 milionë lekë ty. Jep mend. Thuaji vetes ça do bëj...

//Shqiptarja.com

TAG:
• edi rama
• takim
• Lura
• batuta