Batutat/Rama: Ministrit nuk ia
rrisim rrogën, as kryeministrit

"Drejtorët në mos sa ministri do i afrohen ministrit me paga". Kryeministri i vendit Edi Rama teksa ka folur në aktivitetin ‘Policia e gjeneratës tjetër’ i ndalur tek rritja e pagave, ka përcjellë batuta duke mos kursyer Ministrin e Brendshëm Saimir Tahiri, por as veten.

“Kështu që ajo që mund t’iu them sot është se projeksioni ynë për pagat duke nisur nga inspektori është që të ketë një rritje me rreth 15%. Dakort, apo jo? Kryeinspektori rritje për t'u definuar mbi 10%, Nënkomisari rritje 10%, Komisari rritje pak më pak se nënkomisari, Drejtorët në mos sa ministri do i afrohen ministrit, Ministri ka bërë punë të mirë por nuk ja rrisim rrogën, aq më pak Kryeministrit” tha Rama.

Duke u ndalur tek akuzat e opozitës për Policinë e Shtetit, Rama ka sugjeruar qytetarët që të ndryshojnë kanalet televizive, duke shtuar se femijët nuk duhet të prezantohen me gogolin.

“Telekomanda ka shumë numra, kur të shfaqet kazani çojeni tek Bang-Bang e bëni dy gjëra ë të njëjtën kohë: kompensoni kohën që ju keni borxh fëmijëve tuaj dhe mos i prezantoni fëmijët me gogolin’ ka thënë ai.

Redaksia Online
(F.T/shqiptarja.com)