POP 5

Lajmet më të lexuara të 5 minutave të fundit

Sport

Bayern fiton edhe Superkupën e Europës, Milani në play-off, Tottenham shumë i fortë për Shkëndijën (VIDEO-Golat)

Bajerni i Mynihut nuk ndalet më dhe fiton trofeun e katërt gjatë këtij viti. Bavarezët siguruan edhe Superkupën e Europës pasi mposhtën 2-1 pas kohëve shtesë Seviljan përpara 20 mijë tifozëve. Milani kaloi me vështirësi në fazën play-off të Europa League ndërsa Totenhem eliminoi Shkëndijën e Tetovës.

Tripleta nuk mjafton. Bayerni i Mynihut mposht 2-1 Sevillan pas kohëve shtesë dhe fiton edhe Superkupën e Europës për herë të dytë në histori.Katër trofe për bavarezët në 2020-tën.

Pas Bundesligës, Kupës së Gjermanisë dhe Championsit vjen edhe Superkupa e Europës. Në “Puskas Arena” përpara rreth 20 mijë tifozëve andaluzianëve nuk u mjafton  avantazhi dhe një pjesë e parë e mirë. Spanjollët morën epërsinë me golin e Ocampos me penallti në minutën e 13-të.

Goretzka firmosi barazimin që në pjesën e parë duke tundur rrjetën e fituesve të Europa League në minutën e 34-të. Ndeshja shkon në kohën shtesë dhe aty Javi Martinez shënon golin e fitores për skuadrën gjermane. Bayerni nuk ndalet më. 4 trofe në pak muaj për bavarezët dhe 35 fitore në 38 ndeshje të epokës Flick.

Pa Ibrahimovic i prekur me Covid Milani vuan por kualifikohet për në play-off të Europa League aty ku do të përballet me portugezët e Rio Ave. Në “San Siro” kuqezinjtë mposhtën 3-2 norvegjezët e Bodo/Glimt ku ai që shkëlqeu ishte turku Hakan Calhanoglu me dy gola. Një gol e shënoi edhe sulmuesi 18-vjeçar Colombo dhe skuadra e Piolit kalon më tej.

 Ndërkaq Tottenham i jep fund aventurës së Shkëndijës së Tetovës në Europa League. Ekipi i Mourinhos fitoi 3-1 në Shkup dhe kaloi në play-off. Ekipi shqiptar bëri një paraqitje dinjitoze pasi deri në minutën e 70-të ndeshja ishte në barazim 1-1 pas golave të Lamelës dhe Nafiut. Por më pas cilësia bëri diferencën dhe londinezët shënuan edhe dy herë me Son dhe Kane.

Përgatiti Andi Kapxhiu

er.k./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Vijonë puna në aksin Bogë-Theth për largimin e dëborës, borëpastrueset në terren

Vijonë puna në aksin Bogë-Theth për largimin e dëborës, borëpastrueset në terren

26 Dhjetor, 10:36