Tashmë është edhe zyrtare, Pep Guardiola do të largohet nga Bayerni I Mynihut në fund të sezonit dhe vendin e tij do e zërë Carlo Ancelotti. Presidenti i bavarezëve Karl-Heinz Rummenige ka zyrtarizuar gjithçka duke sqaruar se trajneri italian Ancelotti ka firmosur një kontratë 3-vjeçare me klubin gjerman.

Guardiola do të qëndrojë në pankinë deri në fund të qershorit të vitit 2016 dhe Ancelotti do marrë drejtimin më 1 korrik të vitit të ardhshëm.

Rummenige ka deklaruar:”E falenderojmë Guardiolën për gjithçka ka bërë për klubin tonë dhe shpresojmë që në fund të sezonit të fitojmë shumë tituj. Me Ancelottin që është një fitues mezi presim të punojmë” ka thënë drejtuesi i klubit gjerman.

Redaksia Online
(u.s/shqiptarja.com)