POP 5

Lajmet më të lexuara të 5 minutave të fundit

Bota

BBC: A ishin zgjedhjet në Turqi të lira e demokratike?

Recep Tayyip Erdogan ka fituar rreth 53 për qind të votave në zgjedhjet presidenciale në Turqi, duke lënë shumë mbrapa të gjithë kundërshtarët e tij në zgjedhje.
BBC: A ishin zgjedhjet në Turqi të lira e demokratike?

Presidenti i Turqisë Recep Tayyip Erdogan

Recep Tayyip Erdogan ka fituar rreth 53 për qind të votave në zgjedhjet presidenciale në Turqi, duke lënë shumë mbrapa të gjithë kundërshtarët e tij në zgjedhje. Por, a ishin zgjedhjet të lira e demokratike ashtu siç tha vetë Erdogan, në fjalimin e tij pas mbylljes së vendvotimeve.

BBC shkruan se siguria në vendvotime ishte shumë e madhe. Para zgjedhjeve kishte shqetësime rreth intimidimit që mund t’u bëhet votuesve dhe mashtrimit në zgjedhje. Komisioni Zgjedhor i Turqisë ka deklaruar se do të hetojë të gjitha parregullsitë në provincën Urfa, që ndodhet në pjesën jugore në kufi me Sirinë. Dalja në zgjedhje ishte shumë e madhe – rreth 87 për qind, siç raporton televizioni shtetëror.

Kundërshtari i Erdogan, Muharrem Ince, ka thënë se do ta kalojë natën tek zyrat qendrore të Komisionit Zgjedhor në Ankara për t’u siguruar se numërimi do të jetë i rregullt. Ai ka postuar edhe një status në Twitter duke u kërkuar komisionerëve që të mos u ndahen për asnjë minutë kutive të votimit.

Aktivistë të të drejtave të njeriut kanë thënë se mediat nuk janë komplet të lira në Turqi, prandaj nuk mund të raportojnë në të gjithë Turqinë, shkruan BBC. Sipas grupeve monitoruese, Turqia nën Erdoganin është shndërruar në burgun më të madh për gazetarët.

Erdogan gjithashtu është shprehur për rivalët e tyre dhe ankesat që ata kanë, “Shpresoj se askush nuk do të provojë t’i qesë hije të keqe rezultateve dhe ta lëndojë demokracinë tonë vetëm e vetëm që të fshehë dështimin e vet”.

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 15 Shkurt, 08:36

    Çfarë vlerësimi keni për punën e e SPAK-ut deri më sot?

Lajme të tjera



×

Lajmi i fundit

Zelensky: Ukraina nuk do t’i njohë bisedimet SHBA-Rusi në Arabinë Saudite

Zelensky: Ukraina nuk do t’i njohë bisedimet SHBA-Rusi në Arabinë Saudite

17 Shkurt, 17:14