BE fut në listën e ‘zezë’ 160 oligarkë dhe politikanë të tjerë rusë! KE: Kanë kontribuar në agresionin ndaj Ukrainës

160 emra të tjerë janë shtuar në listën e “zezë” të BE-së. Në këtë listë janë përfshirë oligarkë dhe politikanë rusë që kanë kontribuuar në agresionin kundër Ukrainës.

Lajmin e ka dhënë Presidentja e Komisionit Evropian Ursula von der Leyen.

“Ne po forcojmë më tej rrjetën e sanksioneve në përgjigje të agresionit ushtarak të Rusisë kundër Ukrainës”, shkroi von der Leyen në Twitter.

Presidenca franceze e Këshillit të Bashkimit Evropian tha gjithashtu në Twitter se ambasadorët e BE-së kishin miratuar "sanksione të reja që synojnë liderët dhe oligarkët rusë dhe anëtarët e familjeve të tyre të implikuar në agresionin rus kundër Ukrainës".

Lajmi kryesor:

Bombardohet spitali në Mariupol, fëmijë nën rrënoja! Zelensky: Kompromis, por pa tradhtuar vendin! Pentagoni: Avionët polakë s'do dërgohen në Kiev, me rrezik

J.GJ./Shqiptarja.com

TAG:
• Sergei Lavrov
• Dmytro Kuleba
• rusia sulmon ukrainen