BE mbështetje për fuqizimin e “grave të maleve”/ Report Tv një ditë me to në Javën e Europës

Pavarsisht se Shqipëria nuk është ende anëtare e BE-së, kjo nuk pengoi aspak që vendi ynë të bëhej pjesë e festimeve të asaj që njihet si Java e Europës. Delegacioni i BE në Tiranë, autoritetet shqiptare përfshi ambasadat e vendeve anëtare të BE në Tiranë, organizuan një program të pasur veprimtarish, duke treguar kështu mbështetjen e tyre për Shqipërinë.

Mes diskutimeve me qytetarët mbi zgjerimin e Bashkimit Europian, mundësitë e studimeve, letërsinë shqiptare dhe europiane apo ritmet muzikore e ekspozita, Report Tv u ndal tek “Gratë e maleve”. Rinalda Lika nga zona e Fushë Arrëzit , është një prej tyre e cila tregon idenë e projektit të mbështetur nga Bashkimi Europian “Rrjeti i fuqizimit të grave në male”.

Është një nder që edhe gratë në male të jenë pjesëmarrëse në Javën e Europës, për të promovuar produktet dhe prodhimet që ato bëjnë. Sektoret ku ato gra mund të promovojnë veten me produktet e zonave janë të ndryshme.

Rinalda Lika për Report Tv.

Flora Doçi nga zona malore e Vaut të Dejës nëpërmjet punimeve artizanale jo vetëm ruan traditën por edhe fiton të ardhura duke forcuar rolin e saj si grua në shoqëri.

Traditën e ruajmë me shumë fanatizëm. Këtë traditë ma ka lan nana ime, unë ja kam lënë vajzës. E mira është ajo që punëson veten se çdo njeri që punëson veten është me fitim. Sot e gëzoj jetën se punoj dhe jetoj me forcat e mia.

Artizanja Flora Doçi për Report Tv me shumë mirësjellje u tregua e gatshme të më mësojë disa truke të zanatit.

Edhe pse mentaliteti ka ndrydhur “gratë në male” 23 vjeçarja, Xhulja Marku nëpërmjet punësimit për punët e dorës në projektin e BE-së ja ka dalë të jetë një vajzë e pavarur.

Familjet shqiptare janë akoma me mentalitetin e vjetër sidomos në fshatrat ku jena ne. Në zonat tona sidomos babai është ajo figura që është më fanatik, por ne duhet të sakrifikojmë pak për punën tonë, kur e kemi diçka me pasion. Nuk kena qenë asnjëherë aq të lira, por pak nga pak duke punuar, duke u përshtatur me vendin arrin të bëhesh dikushi.

Xhulja Marku për Report Tv

Projekti “Gratë” synon emancipimin social-ekonomik në zonat malore të qarkut të Shkodrës. Dhe siç tregojnë për Report Tv gratë e maleve, nëse në fillim pjesëtaret e grupit numëroheshin me gishtat e dorës, sot janë bërë një grup i konsiderueshëm grash të pavarura.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A besoni se SPAK do të bëjë drejtësi për 21 janarin?



×

Lajmi i fundit

VIDEO/ Rama në Londër për samitin me liderët e BE, momenti kur pritet nga kryeministri britanik

VIDEO/ Rama në Londër për samitin me liderët e BE, momenti kur pritet nga kryeministri britanik