POP 5

Lajmet më të lexuara të 5 minutave të fundit

Bota

BE/ PPE dhe e djathta kundër ligjit për shpyllëzimin: Shumica Ursula nuk ekziston më

Tema e diskutimit ka qenë rregullorja mbi shpyllëzimin, e cila kërkon që tregtarët dhe importuesit të sigurohen se mallrat e tyre nuk vijnë nga zona së fundmi të shpyllëzuara. Kjo normë prek produkte si kakaoja, kafeja dhe shumë të tjera.

BE/ PPE dhe e djathta kundër ligjit për shpyllëzimin: Shumica Ursula nuk ekziston më

Parlamenti Europian

BRUKSEL – Shumica Ursula është ndarë përsëri, dhe PPE ka votuar këtë herë së bashku me partitë e djathta, përfshirë partinë neonaziste AfD. Tema e diskutimit ka qenë rregullorja mbi shpyllëzimin, e cila kërkon që tregtarët dhe importuesit të sigurohen se mallrat e tyre nuk vijnë nga zona së fundmi të shpyllëzuara. Kjo normë prek produkte si kakaoja, kafeja dhe shumë të tjera.

Ligji për të cilin ishte arritur një marrëveshje në “shumicën e vjetër” parashikon kryesisht shtyrjen e zbatimit të tij. Popullorët kishin paraqitur rreth një duzinë amendamentesh – përfshirë një shtyrje dyvjeçare – që shkaktuan pakënaqësi te Socialistët dhe të Gjelbrit. Këtë mëngjes, PPE, në përpjekje për dialog me S&D, tërhoqi disa nga propozimet e saj për ndryshime.

Megjithatë, në kohën e votimit, ata përdorën një strategji tjetër dhe amendamentet e mbetura kaluan me mbështetjen e të djathtës. Votimi përfundimtar për tekstin e plotë u miratua me votat e Popullorëve, ECR, Patriotëve dhe NSE (ekstremi i djathtë). Renew u nda, ndërsa Socialistët dhe të Gjelbrit votuan kundër.

Grupi S&D deklaroi se me këtë votim “shumica Ursula” e vjetër nuk ekziston më. Ekologjistët i kërkuan von der Leyen të tërheqë tekstin, i cili tani do të shqyrtohet nga Këshilli Evropian. Ndërkohë, Patriotët dhe Konservatorët e konsideruan votimin një fitore dhe shpresojnë për krijimin e një koalicioni të ri të djathtë.

K.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    16 Nëntor, 09:13

    Kush ka pension më të ulët bonus më të madh në fundvit? Si e vlerësoni?

Lajme të tjera



×

Lajmi i fundit

Berisha kërkon vota nga shqiptarët në Angli, vendin që e shpalli ‘Non Grata’: Keni rol në fitoren e opozitës, Ramën në Londër priteni me vezë dhe domate

Berisha kërkon vota nga shqiptarët në Angli, vendin që e shpalli ‘Non Grata’: Keni rol në fitoren e opozitës, Ramën në Londër priteni me vezë dhe domate

17 Nëntor, 20:04