POP 5

Lajmet më të lexuara të 5 minutave të fundit

Arkiva

BE, Sequi: Zgjedhjet shumë
të rëndësishme për integrimin

Ambasadori i BE-së zhvilloi sot paradite një takim me delegacionin e misionit të vëzhguesve të ODIHR. Sequi (foto) theksoi vëmendjen dhe interesin e BE-së për këtë proces zgjedhor, të cilën "shqiptarët meritojnë të jetë i mirë"
TIRANE- Ambasadori i BE-së Ettore Sequi zhvilloi sot paradite një takim me delegacionin e misionit të vëzhguesve të ODIHR, të kryesuar nga znj Mccormack.

Ambasadori e vlerësoi “të shkëlqyer” takimin ku u diskutua për procesin zgjedhor dhe nënvizoi se BE po i kushton të gjithë vëmendjen procesit zgjedhor të 23 qershorit, si test kyç për funksionimin e institucioneve por dhe rrugëtimin e Shqipërisë në BE.

“Në mbledhje theksova mbështetjen e fortë që jep misioni i ODIHR në Tiranë për zgjedhje të mira në përputhje me standardet ndërkombëtare e europiane. BE po e mbështet këtë proces zgjedhor në Shqipëri dhe kjo ishte pjesë diskutimi që ne patëm. Në të vërtetë ne kemi përcaktuar fonde për të mbështetur 34 vëzhgues afat shkurtër, e 6 afatgjatë. Është mbështetje konkrete nga taksa paguesit europianë, pasi BE i kushton rëndësi tepër të veçantë procesit zgjedhor. Ju e dini që dhe konkluzionet ishin të atilla që organizimi i mirë i zgjedhjeve do të jenë një test kyç për funksionimin e institucioneve në Shqipëri dhe të rëndësishme për rrugëtimin e Shqipërisë në BE. BE kishte premtuar që do ta mbështesin procesin dhe po e mbajmë fjalën. Ne jemi të interesuar për Shqipërinë dhe procesin zgjedhor. Besojmë se shqiptarët meritojnë një proces zgjedhor të mirë dhe po e tregojmë që kjo është tepër e rëndësishme për ne"- tha Sequi.

SEQUI PER KQZ
I pyetur për situatën në KQZ e cila vazhdon të punojë me 4 anëtarë, Sequi tha se BE nuk është pjesë e negociatave dhe la të hapur mundësinë e deklaratave potenciale në ditët në vazhdim.

"Ne nuk jemi pjesë e negociatave dhe në cdo rast ne jemi shprehur për KQZ-në e cila është një shtyllë e fortë e procesit zgjedhor. Deklarata potenciale të mëtejshme do vijnë nëse bëhen."

ODIHR NE TIRANE PREJ 13 MAJIT
Delegacioni i përbërë nga 15 anëtarë të kryesuar nga ekspertja amerikane Conny McCormack ndodhen në Tiranë që prej të hënës 13 maj. Në një konferencë për shtyp të dhënë më 15 maj, McCormack tha se misioni do të jetë jo arbitër, por vëzhgues i zgjedhjeve dhe do të dalë me një raport përfundimtar, 8 javë pas përfundimit të tyre, kohë kur do të jenë shqyrtuar edhe ankesat e ngritura nga subjektet.

Redaksia online
(sg/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Mali i Zi, kërkohet hetim ndërkombëtar për masakrën Cetinjës

Mali i Zi, kërkohet hetim ndërkombëtar për masakrën Cetinjës

10 Janar, 23:03