Begaj bëri thirrje për normalitet në seancat plenare, reagon Bardhi: Presidenti me gjuhë të njëanshme, u bë palë në konflikt

Deputeti i Partisë Demokratike, Gazment Bardhi ka reaguar pas deklaratës së presidentit të Republikës, Bajram Begaj i cili për shkak të kaosit të krijuar nga opozita në Kuvend u detyrua që fjalimin për hapjen e sesionit të ri parlamentar, ta mbante nga presidenca.

Bardhi vijoi me akuzat e tij ndaj presidentit, duke e konsideruar këtë të fundit si një palë në konflikt që nxit më shumë përçarjen në Kuvend. Sipas Bardhit, Begaj ka treguar anësi gjatë fjalimit të tij.

LEXO EDHE:
Presidenti Bajram Begaj uron Krishtlindjen nga Mitropolia e Beratit: Ditë e shenjtë që simbolizon paqen, të reflektojmë për vlerat e njerëzimit dhe dashurinë!

“Qëndrimi publik i Presidentit të Republikës është mesazhi më i dëmshëm që mund të bënte për normalizimin e jetës parlamentare. Ashtu siç pritej, Kreu i Shtetit nuk u ngrit dot në rolin e tij si përfaqësues i unitetit të popullit, por me një gjuhë të njëanshme, u bë palë në konflikt dhe nxiti edhe më shumë përçarjen mes palëve politike në Kuvend.

Duke e konsideruar këtë një akt antidemokratik dhe një sulm të pashembullt të Presidentit të Republikës ndaj opozitës, e siguroj që Grupi Parlamentar i PD dhe opozita është e vendosur të mbrojë pluralizmin demokratik në vend dhe Kushtetutën e Shqipërisë, edhe nëse Kreu i Shtetit ka vendosur tia dorëzojë kopjen e tij të Kushtetutës kryeministrit Edi Rama!”- shkruan Bardhi në reagimin e bërë.

TAG:
• Rithemelimi kaos ne kuvend
• Kuvendi i Shqiperise
• Bajram Begaj

Sondazhi i ditës:

Si ka qene per ju viti 2024?

• I mire

  44%

• I keq

  22.8%

• As i mire as i keq

  33.2%

Vota total: 1511

Votat totale janë unike

• Sondazhi i ditës:

  Si ka qene per ju viti 2024?

  I mire I keq As i mire as i keq