Begaj firmos dekretin, Vlora Hyseni emërohet drejtuese e Shërbimit Informativ të Shtetit

Begaj firmos dekretin, Vlora Hyseni emërohet drejtuese e Shërbimit Informativ të Shtetit

Vlora Hyseni dhe Presidenti Bajram Begaj

TIRANË- Nga sot, Vlora Hyseni do jetë në krye të SHërbimit Informativ Shtetëror. Presidenti Bajram Begaj ka dekretuar ditën e sotme emërimin e Vlora Hyseni si drejtuese te Sherbimit Informativ e Shtetit, e cila vjen në këtë post pas largimit të Helidon Bendos. Hyseni erdhi si propozim i kryeministrit Edi Rama, i cili në argumentet e bëra publike në 17 mars, tha se “është besim plotë se përgatitja e spikatur, eksperienca e krijuar në vite dhe respekti që Hyseni gëzon në komunitetin ndërkombëtar të inteligjencës, përbëjnë një garanci të plotë për reformimin e mëtejshëm të shërbimit inteligjent shqiptar”.

Emërimi i saj u kundërshtua nga opozita që e cilësuan si një provokim ndaj Kosovës.

Kush është Vlora Hyseni? Vlora Hyseni ka qenë e angazhuar në udhëheqjen e Agjencisë Kosovare të Inteligjencës. Ajo është shkarkuar qershorin e vitit 2021 si zv. drejtuese e AKI nga Albin Kurti dhe presidentja Vjosa Osmani prej të gjitha funksioneve të AKI-së. Vlora Hyseni e ka udhëhequr AKI-në për katër muaj, dhjetor 2020-prill 2021.  Hyseni ka punuar disa vite në Agjencinë Kombëtare të Inteligjencës së Kosovës, ku ka qenë Drejtore e Marrëdhënieve me Jashtë e më pas Zëvendësdrejtore e këtij institucioni nga viti 2019, për t’u shkarkuar më pas në mesin e vitit 2021 nga presidentja Osmani.

Në shtator të vitit 2021, Vlora Hyseni u zgjodh të punonte si këshilltare e kryeministrit Edi Rama. Sipas ligjit për SHISH paçka se kryeministri është propozuesi drejtorit të SHISH fjalën e fundit e thotë presidenti me dekretin e emërimit. Shërbimi Informativ shqiptar ka qëndruar pa kreun e tij për afro një vit, pasi drejtori Helidon Bendo, u largua për një trajnim të gjatë në Shtetet e Bashkuara duke dhënë dorëheqjen dhjetorin e kaluar.

B.K./K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Qetsori: 04/04/2023 13:00

    President pa kellqe, kukull e edi romes.... ca certifikata sigurie ka kjo qe te jete Koka shish....

    Përgjigju
  • Tironsi: 04/04/2023 00:45

    MERCENARE... NUK MUND TI BESOHET INSTITUCIONI I SHISH NJE MERCENAREJE QE SHKON KU PAGUHET ME MIRRE....

    Përgjigju
  • Sondazhi i ditës:

    Kërcënimet nga krimi, a duhet forcuar mbrojtja e prokurorëve e gjyqtarëve?



×

Lajmi i fundit

Dëshironi luftë në Kosovë, Vuçiç: S’duam asnjë lloj përplasjeje me NATO-n

Dëshironi luftë në Kosovë, Vuçiç: S’duam asnjë lloj përplasjeje me NATO-n