Një mrekulli ka ndodhur në një metro në Filadelfia. Një grua lindi fëmijën e saj papritur në një tren, e ndihmuar nga dy policë. Daniel Caban dhe Darrel James po qëndronin në hyrje të stacionit kur një person i lajmëroi për një rast emergjent në tren, por pa ditur më konkretisht për çfarë ndihmë bëhej fjalë.

Pasi i shkuan gruas për ndihmë, kuptuan se ishte shumë vonë për ta transportuar në spital, dhe u detyruan të improvizonin rolin e mamisë. Por çdo gjë ka shkuar për mrekulli, pasi gruaja lindi djalin e saj në metro.

Pasagjerët shënuan ardhjen e veçantë të fëmijës, ndërsa shefi i policisë postoi lajmin në një status në twitter. Mediat vendase raportojnë se nëna dhe foshnja janë dërguar në spital tashmë dhe ndodhen në gjendje të mirë shëndetësore.

policia

Redaksia Online
(Shqiptarja.com)