POP 5

Lajmet më të lexuara të 5 minutave të fundit

Kosova & Rajoni

BE-ja pa datë se kur mund të vazhdojë dialogu Kosovë-Serbi

Bashkimi Evropian ende nuk ka një datë se kur do të vazhdohet me takimet mes delegacioneve të Kosovës dhe Serbisë në kuadër të dialogut që zhvillohet në Bruksel.

BE-ja pa datë se kur mund të vazhdojë dialogu Kosovë-Serbi

Zëdhënësi i BE-së për Politikë të Jashtme, Peter Stano

Bashkimi Evropian ende nuk ka një datë se kur do të vazhdohet me takimet mes delegacioneve të Kosovës dhe Serbisë në kuadër të dialogut që zhvillohet në Bruksel.

I pyetur se kur mund të ndodhë takimi i radhës, zëdhënësi i BE-së për Politikë të Jashtme, Peter Stano është shprehur se “puna e të dërguarit special për dialogun Miroslav Lajçak dhe ekipit të tij po vazhdon dhe është një punë e ngjeshur. Sapo të kemi ndonjë datë për të shpallur për takimet e radhës ne do ta bëjmë këtë”.

Zëdhënësi i BE-së nuk ka dashur të komentojë as takimin e fundit të Këshillit të Sigurimit të Kombeve të Bashkuara në të cilin u diskutua rreth dialogut dhe situatës në Kosovë. 

Dialogu mes Kosovës dhe Serbisë rifilloi më 16 korrik dhe janë mbajtur disa takime në nivele të ndryshme, si në nivel të lartë mes kryeministrit të Kosovës, Avdullah Hoti dhe presidentit të Serbisë Aleksandër Vuçiç, ashtu edhe mes delegacioneve në nivel ekspertësh.

Por, për më shumë se një muaj nuk ka pasur takime të reja, fillimisht për shkak të krizës së shkaktuar nga Covid-19 dhe më pas nga refuzimi i Kosovës për të biseduar rreth Asociacionit të komunave me shumicë serbe në Kosovë dhe insistimi i Serbisë që të bisedohet për këtë temë si prioritet.

Për të caktuar një datë të re për takimet i dërguari special i BE për dialogun para një jave vizitoi të dyja vendet aty ku edhe u takua me liderët kryesorë të vendeve. Por më shumë se ndikim pozitiv , deklaratat e tij për ndryshimin e Kushtetuta e Kosovës  shkaktoi një valë të gjerë reagimesh në Kosovë./ Burimi REL 

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 21 Janar, 08:38

    14 vite nga vrasja e 4 protestuesve, do bëjë SPAK drejtësi për 21 janarin?

Lajme të tjera



×

Lajmi i fundit

Thoma Gëllçi: Shqiptarë, zgjidhni dhe votoni!

Thoma Gëllçi: Shqiptarë, zgjidhni dhe votoni!

22 Janar, 23:03 nga Thoma Gëllçi