Bashkimi Evropian është pajtuar për paketën e re të sanksioneve kudër Rusisë, që është paketa e trembëdhjetë që kur Moska nisi pushtimin në shkallë të plotë të Ukrainës pothuajse dy vjet më parë. Belgjika, që po udhëheq Presidencën e bllokut, tha se “kjo paketë është prej paketave më të gjera të miratuara nga BE-ja”.
Paketa e re, për të cilën blloku u pajtua më 21 shkurt, do të shtojë edhe pothuajse 200 entitete dhe individë në listën e sanksioneve. Sanksionet do të përfshijnë kufizime që synojnë të bllokojnë blerjen e “komponentëve të dronëve që do të përfundojnë te ushtria ruse dhe më pas në fushëbetejë në Ukrainë”, thanë diplomatët e BE-së, të cilët shtuan se lista e sanksioneve përfshin edhe disa kompani ruse dhe disa shtete të treta.
Presidenca belge shkroi në X, që më herët njihej si Twitter, se paketa do të miratohet zyrtarisht më 24 shkurt, në përvjetorin e dytë të nisjes së pushtimit rus të Ukrainës.
Gazetarët e Radios Evropa e Lirë që kanë parë listën e sanksioneve teksa po përgatitej të publikohej, thanë se sanksionet do të vendosen ndaj 27 kompanive, në mesin e tyre kompani nga Kina, India, Turqia, Serbia dhe Kazakistani.
Ambasadorët e BE-së po ashtu raportohet se kanë refuzuar një përpjekje të Hungarisë për të hequr nga lista tre oligarkë rusë: Alisher Usmanov, Vyacheslav Kantor, dhe Dmitry Mazepin Jr.
Në listën e sanksioneve përfshihen edhe 48 krerë të kompanive ushtarake si dhe mbi 50 udhëheqës kompanish që prodhojnë armë të rënda dhe të lehta, por edhe firma të logjistikës dhe udhëheqës të tyre që bashkëpunojnë me Ministrinë ruse të Mbrojtjes.
Po ashtu janë përfshirë edhe 12 individë që kanë pozita të gjyqtarëve dhe ministrave në institucionet e vetëshpallura ruse në territoret e pushtuara në Ukrainë./ REL
Lajme të tjera
-
Anulohet samiti i liderëve të rajonit dhe BE-së në Bosnje, dështoi tenderi për organizim
28 Nëntor, 13:20 -
ShBA-ja i kërkon Ukrainës që të ulë moshën e shërbimit ushtarak në 18-vjeç
28 Nëntor, 08:16 -
Lufta/ Rusia kryen sulm masiv ndaj infrastrukturës energjetike të Ukrainës
28 Nëntor, 08:03 -
Trump nominon gjeneralin e pensionuar Kellogg si të dërguar për Ukrainën dhe Rusinë
27 Nëntor, 20:11 -
Grupi i deputetëve italianë: Krah jush drejt BE-së! Përfshihuni në debatet brenda unionit
27 Nëntor, 17:40
-
Shefi i ri i Këshillit Evropian pritet të takojë 6 liderët e Ballkanit Perëndimor më 3 dhjetor
27 Nëntor, 17:03 -
Misioni diplomatik në Bruksel hap dyert për shqiptarët, Rama: Bëhu pjesë e 'Team Albania', kontribuo në anëtarësimin e vendit në BE
27 Nëntor, 16:25 -
Konfirmohet përbërja e re e Komisionit Europian, mandati nis më 1 dhjetor
27 Nëntor, 16:23 -
Rama: Komisioni antikorrupsion do të jetë i përhershëm, pikë referimi për të gjitha institucionet! Do na garantojë suksesin për anëtarësimin në BE
27 Nëntor, 13:05 -
Ekonomia gjermane në prag të recesionit
27 Nëntor, 08:54 -
Autobiografia e Merkel: Vetëm anëtarësimi në BE sjell paqe në Ballkan
27 Nëntor, 08:33 -
Lufta në Ukrainë/ Trump zgjedh Kellogg si të dërguar special për Rusinë dhe Ukrainën
27 Nëntor, 07:48
