POP 5

Lajmet më të lexuara të 5 minutave të fundit

Kosova & Rajoni

BE-ja synon të vazhdojë dialogun Kosovë-Serbi pa presidentin Thaçi

Zyrtarët e Bashkimit Europian po synojnë që të vazhdojnë ndërmjetësimin për rifillimin e bisedimeve mes Kosovës dhe Serbisë, pa përfshirjen e presidentit, Hashim Thaçi

BE-ja synon të vazhdojë dialogun Kosovë-Serbi pa presidentin Thaçi

Zyrtarët e Bashkimit Europian po synojnë që të vazhdojnë ndërmjetësimin për rifillimin e bisedimeve mes Kosovës dhe Serbisë, pa përfshirjen e presidentit, Hashim Thaçi.

Javën e kaluar, një prokuror i specializuar në Hagë deklaroi se ka paraqitur aktakuzë kundër presidentit të Kosovës, nën dyshimin se është i përfshirë në krime lufte dhe krime kundër njerëzimit. Zyrtarët e BE-së kanë njoftuar se pas këtyre zhvillimeve ata nuk e konsiderojnë më presidentin e Kosovës, një partner në procesin e dialogut.

Një zyrtar europian që merret me procesin e dialogut Kosovë-Serbi, tha për ‘Europa e Lirë’ se do të ishte më mirë që Thaçi të përqëndrohet në këto momente në aktakuzën ndaj tij, dhe se derisa çështja të zgjidhet, pra të ketë një aktgjykim, nga ana e BE-së do të ketë shumë pak ndërveprim me të. Por në çdo rast, BE-së vlerëson se Prishtina zyrtare do të vazhdojë të jetë e përkushtuar për dialog, pavarësisht se kush e zhvillon atë në emër të Kosovës.

"Nuk i takon BE-së të zgjedhë bashkëbiseduesit, por i takon palës kosovare të vendosë kush do të përfaqësojë më së miri interesat e tyre", tha Virginie Battu-Henriksson, një zëdhënëse e BE.

BE-ja synon që së shpejti, nën kujdesin e Presidentit francez Emmanuel Macron dhe Kancelares gjermane Angela Merkel, të organizojë më 10 korrik një Samit në Paris, ku do të takohen delegacionet e Kosovës dhe Serbisë.  Sipas zyrtarëve nga Berlini, të cilëve i referohet ‘Europa e Lirë’, rrethanat aktuale politike në Prishtinë nuk do të ndryshojnë axhendën e samitit, por ato sigurisht  mund të ndikojnë në ndryshimet e mundshme në listën e mysafirëve, që do të thotë se presidenti i Kosovës edhe mund të mos jetë I ftuar në Paris.

Teksa që nga sot Gjermania ka marrë prej Kroacisë kryesimin e Këshillit të Bashkimit Evropian, Kosova pret nga Presidenca Gjermane liberalizimin e vizave. Disa deputetë të Parlamentit Europian i kanë shkruar kancelares gjermane që gjatë kryesimit të tyre, të vendosin në rend dite edhe liberalizimin e vizave për Kosovën pasi, sipas vlerësimit të Komisionit Europian, Kosova i ka përmbushur të gjitha kushtet e kërkuara. Një diplomat i lartë gjerman u ka thënë gazetarëve se për liberalizimin e vizave kërkohet një shumicë e kualifikuar e vendeve anëtare në Këshillin e BE-së dhe se, nëse Gjermania vlerëson se ekziston një shumicë e tillë, atëherë do ta vendosë në rend dite.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46