Stili i tij është shumë i veçantë, fillimisht krahasohej me pop yllin e njohur Michael Jackson por tashmë ai ka krijuar rrjedhën e tij artistike.
Me disa këngë dhe klipe të realizuara, Bekimi ka hyrë në tregun muzikorë fuqishëm. Kënga e fundit e tij titullohet ''Me dy fytyra'' ndërsa është në bisedime për realizimin e një albumi muzikor gjatë këtij viti.
 
Sa kohë ka që je në skenën muzikore?

Kam qenë aktiv edhe më parë, qysh si fëmijë i vogël por zyrtarisht me këngën time të parë si këngëtarë profesional jam shfaqur në vitin 2006.

Me kë keni bashkëpunuar deri më tani?

Deri më tani kam bashkëpunuar me emra të njohur si Bujar Idrizi, Avni Qahili, Bekim Kamberi, Ocko, Samir Dërguti etj.

Sa janë shtuar ofertat për koncerte?

Shumë janë shtuar kohës së fundit, më shumë se sa që kam pritur.

Cilat janë planet tua për këtë vit?

Planet janë shumë për këtë vit, një album dhe disa klipe, ndërsa jam në përgatitje të një dueti që mendoj për momentin ta lë surprizë për publikun.