Belerit nuk i bëhet të kthehet: Do ta sjell çështjen time në Gjykatën e Strasburgut! Në Parlamentin Europian kam prioritet vetëvendosjen në Shqipëri

Fredi Beleri i zgjedhur i Nea Demokracias për Parlamentin Europian dërgoi sërish një mesazh nga Strasburgu se do ta çojë çështjen e tij "deri në fund" .

Beleri i cili mori leje të pazakontë nga Drejtoria e Burgjeve shqiptare për të qenë në Strasburg për tu betuar si eurodeputet, betohet nga ana tjetër për mediat greke, se do shkoj në Gjykatën e Strasburgut.

“Sigurisht që aventura ime gjyqësore do të marrë vite, sepse do të finalizohet në Strasburg. Do ta çoj deri në fund, besoj se është bërë një padrejtësi e madhe dhe kemi përpara një maratonë gjyqësore deri në nxjerrjen e vendimit përfundimtar nga Gjykata Ndërkombëtare e të Drejtave të Njeriut në Strasburg”, shtoi Fredi Beleri.

LEXO EDHE:
Studio Live/ Beleri foli për nënën Greqi të Himarës, Anri Bala: Takimi Rama-Mitsotakis tregoi se është kapitull i mbyllur! Kikia: Ishte i mllefosur

Sakaq, ai thekson se do bëjë gjithçka për vetëvendosjen që nuk respektohet sipas tij në vendin tonë.

Në lidhje me kapacitetin e tij të ri si deputet në Parlamentin Evropian për minoritetin grek në Himarë, ai theksoi se “sigurisht që do të jetë prioriteti im të tregoj problemet me të cilat përballet në lidhje me sundimin e ligjit dhe të drejtën për vetëvendosje që nuk respektohet në Shqipëri.”

Më tej ai sulmon edhe rezultatet e Censit, pasi për të janë të pavërteta.

“Rezultatet e regjistrimit të fundit janë gjithçka tjetër veçse të vërteta. Të dhënat janë falsifikuar”.

“Besoj se me mundësinë që kam në Parlamentin Europian, mund të ndez në qendër të vëmendjes dhe të evidentoj në të gjithë Europën problemet me të cilat përballet minoriteti grek si dhe qytetarët shqiptarë”, përfundoi Beleri.

G.K/Shqiptarja.com

TAG:
• fredi beleri
• Strasburg
• gjykata e strasburgut
• himare
• parlamenti europian