POP 5

Lajmet më të lexuara të 5 minutave të fundit

Bota

Belgjikë, kultivuan qindra bimë kanabis në një qebabtore, arrestohen dy shqiptarë

Dy kultivues shqiptarë të një plantacioni kanabisi në një ish-qebaptore në Rechtestraat në Lille, Belgjikë janë dënuar me burgim prej tridhjetë e dyzet muajsh. Policia zbuloi gjithsej 1045 bimë kanabisi atje më 26 mars

Belgjikë, kultivuan qindra bimë kanabis në një qebabtore, arrestohen dy shqiptarë

Në mars, policia çmontoi një plantacion kanabisi në një dyqan të zbrazët të ushqimit të shpejtë në Rechtestraat në Lille

Dy kultivues shqiptarë të një plantacioni kanabisi në një ish-qebaptore në Rechtestraat në Lille, Belgjikë janë dënuar me burgim prej tridhjetë e dyzet muajsh. Policia zbuloi gjithsej 1045 bimë kanabisi atje më 26 mars.

Pas një raportimi anonim më 25 mars policia zbuloi gjithsej 1045 bimë kanabisi, pasi nisi hetimet në një dyqan të zbrazët të ushqimit të shpejtë në Rechtestraat. Policia fillimisht hetoi ndërtesën me një kamerë termike.

Hetuesit kontrolluan edhe ish-restorantin e qebapeve në qendër të Lille të dielën, më 26 mars. Policia zbuloi aty një plantacion kanabisi me gjithsej 1045 bimë kanabisi, të shtrira në katër dhoma kultivimi.

Ndërtesa përmbante kontejnerë për rritje për një total prej 3,374 prerje të bimëve kanabis. Energjia elektrike është nxjerrë ilegalisht nga rrjeti, raportojnë mediat e huaja.

Një 35-vjeçar shqiptar me iniciale O.K, i cili ndodhej në pallat në momentin e kontrollit është arrestuar dhe marrë në pyetje nga policia. Ai deklaroi se plantacioni ishte tashmë në përdorim në dhjetor 2022 dhe se ka pasur dy korrje. Sipas hulumtimit, të ardhurat totale arritën në 300.960 euro.

35-vjeçari ka caktuar si bashkëpunëtor një tjetër bashkatdhetar, 28-vjeçarin A.M, për t’u kujdesur për bimët e kanabisit. Gjykata dënoi O.K dhe A.M me një dënim efektiv prej tridhjetë muaj dhe dyzet muaj respektivisht. Ata të dy duhet të paguajnë gjithashtu një gjobë prej 8000 euro. Gjykata ka konfiskuar një fitim kapital prej 100 mijë eurosh.

S.S/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si e vlerësoni funksionimin e Gjykatave dhe Prokurorive në qarqe?

Lajme të tjera



×

Lajmi i fundit

Vlorë/ Kërcënohen me thikë disa nxënës që po luanin në Lungomare, autori me probleme të shëndetit mendor

Vlorë/ Kërcënohen me thikë disa nxënës që po luanin në Lungomare, autori me probleme të shëndetit mendor

27 Prill, 23:01