Në Cërrik takova tre fëmijë. Vraponin për të kapur orën.
Si quhesh ti, e pyeta
Selindjona, tha vajza
Selindjona si ajo këngëtarja?
Nganjëhërë më thonë edhe Seli, tha Selindjona
Sa vjeç je Selindjona?
15 vjeç, tha Selindjona
Me kë jeton?
Me mamin, motrat e vëllain
Po babi?
Babi, ka vdekur, tha Selindjona
Si quhet vëllai?
Ky i vogli quhet Akiljano
Po i madhi?
Malboro King, ka dhe instagram
Po kjo është motra jote?
Kjo quhet Anxhelika por nuk dëgjon
Me se jetoni?
Ja lyp unë, tha Akiljano
Sa veta jeni në shtëpi?
5 motra dhe dy vëllezër
Çfarë bën gjithë ditën Akiljano?
Rri këtu te sheshi i qytetit
Të ngacmon njeri?
Disa herë më kanë rrahur, tha Akiljano
Pse të kanë rrahur?
Se kam një gocë
Si e ka emrin ajo goca?
Nuk ta them, tha Akiljano
Pse nuk ma thua, e pyeta
Se ti e nxjerr në facebook dhe më rreh Manueli
Kush është Manueli?
Vëllai i asaj gocës, tha Akiljano
Sa vjeç është ajo goca?
Nëntë vjeç, tha Akiljano
Mos ki merak se nuk i tregoj të dashurat e shokëve, thashë unë
Prapë nuk ta them, tha Akiljano
Mos ma thuaj, thashë unë
Po ti nga je, pyeti Akiljano
Nga Tirana, thashë unë
Jeton te Pesëmbëdhjetkatëshi?
Jo nuk jetoj aty, thashë unë
Aty ka ashensor, tha Akiljano, jeton motra ime
Çfarë bën motra jote të Pesëmbëdhjetëkatshi?
Ngjitet çdo ditë me burrin e vet
Tani do ngjitesh te ora të të bëj fotografi?
Prit, tha Akiljano
Çfarë ka, i thashë
Këto fletët nëpër mure ti i ke ngjitur?
Jo, thashë unë, unë nuk kam ngjitur asnjë fletë në muret e Cërrikut
Ja kjo fleta këtu, tha Akiljano
Ja ta lexojmë, thashë unë
Kampi veror, tha Akiljano
Nga data 13 deri në 16 Korrik, thashë unë
Falas, tha Akiljano
Ou sa mirë, thashë unë
Çdo ditë nga ora 8 deri në 12, tha Akiljano
Ku mbahet kampi veror, e pyeta
Ja ta shof, tha Akiljano
Lexoje, thashë unë
Adresa, Kisha Ortodokse Cërrik, tha Akiljano
Do shkosh?
Është falas, tha Akiljano
Tani do bëjmë fotografi te ora, thashë unë
Bëjmë, tha Akiljano, po si thua të shkoj në kamp?
Unë them të shkosh, thashë unë
Në çfarë ore të shkoj?
Shko herët, thashë unë
Po shkova në 12 a ka më ushqim, pyeti Akiljano
Ushqim ka në çdo kohë po nuk ka më goca, thashë unë
Atëherë po shkoj që në 8 e gjysëm, tha Akiljano
Sa vjeç je Akiljano?
Në 24 Korrik mbush 10 vjeç, tha Akiljano
Do vi për ditëlindjen tënde, thashë unë
Po nuk më solle peshqesh mos hajde, tha Akiljano
Lajme të tjera
-
E rëndë në Gramsh/ Kishin dinamit në kroskot, makina shpërthen në ecje! Plagosen dy vëllezër (EMRAT)
21 Korrik, 17:37 -
Vettingu ‘zbraz’ Prokurorinë e Elbasanit, 6 hetues nga 20! Dhoma e Avokatisë: Të merren masa
21 Korrik, 14:41
-
Flukset në pikat e kalimit kufitar, drejtori i Doganave Gazheli në terren! Inspektim në Muriqan, 17 mijë qytetarë kaluan në 24 orë
20 Korrik, 17:34 -
Tirana s’ia del, Torpedo e mposht 0-1 në Elbasan dhe e eliminon nga Conference League
18 Korrik, 22:11 -
Moti i pazakontë, reshje të dendura shiu në Dhërmi, Himarë dhe Borsh! Stuhi edhe në Elbasan
18 Korrik, 16:33 -
Elbasan, i vodhi vëllait 1.5 mln lekë nga llogaria bankare, në pranga 33-vjeçari (EMRI)
18 Korrik, 13:34 -
Motrat Nikolli akuzuan Nuredin Dumanin se u vendosi tritol, identifikohet autori me precedentë! U fiksua nga kamerat e sigurisë
18 Korrik, 13:06 -
Champions League/ S'ka mrekulli në 'Elbasan Arena', Egnatia eliminohet me penallti nga Borac Banja
18 Korrik, 08:39 -
Stuhi e fuqishme ere dhe shiu në Elbasan
17 Korrik, 18:53 -
Xhovana Nikolli akuzon Nuredin Dumanin se i vuri tritol në derën e banesës: S'është burrë por ordiner
17 Korrik, 16:21 -
Vrau me sëpatë kunatën e tij në Elbasan, dënohet më burgim të përjetshëm Tefik Tashi
17 Korrik, 15:49 -
Zjarri në fushën e mbetjeve në Elbasan, PD: I qëllimshëm! Drejtësia t’i shkojë hetimeve deri në fund
17 Korrik, 15:41
