Benet Beci në sheshin e Shirokës: I lumtur që banorët po shijojnë projektin që kam qenë iniciator! Do krijoj të tjerë për zhvillimin e Shkodrës

Kandidati i Partisë Socialiste për bashkinë e Shkodrës, Benet Beci ka folur nga sheshi Shirokës i cili ka qenë dhe iniciatori i këtij projekti kur mbante postin e Drejtorit të FSHZH.

Beci shprehu lumturi për banorët dhe turistët që arrijnë të shijojnë këtë projekt, teksa shtoi se kjo është  shtysë që të vazhdojë të krijojë projekte të tjera për zhvillimin e Shkodrës.

“Sheshi i Shirokës është një nga projektet e mija më të përzemërta, për të cilën kam punuar me shumë dashuri.

Ashtu si e kam thënë edhe kur kemi filluar këtë projekt, është një copëz e mozaikut të zhvillimit të Shkodrës dhe të gjithë rajonit të veriut.

Bashkëpunimi me donatorët të cilët u dakordësuan me vizionin e këtij projekti si dhe arkitektët me famë botërore, e bënë këtë projekt një sukses për të cilin unë ndihem krenar ashtu sikurse besoj edhe ju.

Ishte kënaqësi e madhe për mua kur u njoftova se projekti i sheshit të Shirokës ka marrë një nga çmimet më prestigjoze të arkitekturës në Bashkimin Europian.

Por më shumë kënaqësi për mua është kur shikoj se si banorët dhe turistët këtu në Shirrokë e shijojnë këtë projekt. Kjo për mua është një shtysë që të vazhdojë të krijoj dhe të zbatoj projekte të reja, të rëndësishme, me impakt për zhvillimin e Shkodrës” u shpreh Beci.

 

 

Lajmi kryesor:

Dita e 13-të e fushatës/ Kandidatët premtime nga terreni! Filo: Projektet që kemi do zhvillojnë ekonominë! Sharka: Do kthejmë barakat e të persekutuarve në muze

G.MO/r.k./Shqiptarja.com

TAG:
• Benet Beci
• Shkoder