Beogradi rrëmbeu tre policët kosovarë, Sveçla urdhëron të ndalohet hyrja e maunave nga Serbia

Ministri i Punëve të Brendshme, Xhelal Sveçla deklaroi sot në mbrëmje se për shkaqe të sigurisë, ka urdhëruar që në të gjitha pikat e kalimit kufitar të ndalohet hyrja e maunave nga Serbia. Ky vendim vjen pasi forcat serbe rrëmbyen mesditën e sotme (14 qershor 2023)  tre pjesëtarët e Policisë së Kosovës, brenda territorit të Kosovës

Sveçla theksoi se vendimi do të jetë në fuqi deri në një vlerësim tjetër të sigurisë.

“Ka edhe informacione paraprake për arrestime të qytetarëve tanë pikën kufitare në Merdare, ku unë tashmë kam dhënë urdhër që për shkaqe të sigurisë në gjitha pikat e kalimit kufitar, të ndalohet hyrja e maunave që vijnë nga Serbia. Kjo masë do të vazhdojë deri në një vlerësim tjetër të sigurisë, por gjithashtu do të vazhdojmë me shtirjen e rendit dhe ligjit”, ka thënë Sveçla.

 

Lajmi kryesor:

Rrëmbimi i 3 policëve, Kosova ndalon hyrjen e makinave me targa serbe dhe mallrave nga Serbia

S.G/Shqiptarja.com

TAG:
• kosove
• tensione ne veri te kosoves
• rrembehen policet ne kosove