POP 5

Lajmet më të lexuara të 5 minutave të fundit

Kosova & Rajoni

Beqaj: Bashkëpunimi i Kosovës
me FMN-në do të vazhdojë

Bashkëpunimi i Kosovës me FMN do të vazhdojë edhe në të ardhmen, ndërkaq për programin e ri të qeverisë dhe FMN-së do të diskutohet në mars. Kështu thanë sot ministri i Financave Besim Beqaj dhe shefi i ri i misionit të FMN për Kosovë, Zhak Alen Minia.
PRISHTINE- Bashkëpunimi i Kosovës me FMN do të vazhdojë edhe në të ardhmen, ndërkaq për programin e ri të qeverisë dhe FMN-së do të diskutohet në mars. Kështu thanë sot ministri i Financave Besim Beqaj dhe shefi i ri i misionit të FMN për Kosovë, Zhak Alen Minia.

Ministri i Financave Besim Beqaj, tha se me shefin e ri të FMN-së për Kosovën, kanë diskutuar për realizimin e buxhetit të vitit të kaluar, por edhe për buxhetin e këtij viti.

Sipas Beqajt, ky është buxhet i zhvillimit dhe realizimit të të gjitha prioriteteve të qeverisë, duke përfshirë projektet infrastrukturore por edhe në fushën sociale, e njëherësh edhe rritjen e pagave.

Njëkohësisht ai theksoi se kanë diskutuar edhe për programin e ri me këtë institucion. ”Vendi është mjaft stabil në aspektin makrofiskal me mjetet e veta të gjitha prioritetet, dhe në këtë drejtim ne jemi harmonizuar dhe programi i ri do të shkojë në drejtim të programit të kujdesit intensiv, i cili nënkupton një disiplinë, një angazhim, një bazë ligjore, një harmonizim të buxheteve vjetore, por jo edhe nevoja financiare”.

Kryesuesi i ri i FMN-së për Kosovën, Jacques Alian-Miniane (Zhak Alen Minia), tha se gjatë tri viteve të kaluara Kosova dhe FMN-ja kanë arritur një rezultat shumë të mirë në aspektin makroekonomik dhe fiskal. Kjo sipas tij është arritur pasi të dyja palët kanë punuar me mirëbesim, dhe mospajtimet i kanë zgjidhur në mënyrë konstruktive.

“Këto marrëdhënie mes Kosovës dhe FMN-së janë model dhe synimi im kryesor është që këto marrëdhënie të vazhdojnë në të njëjtën mënyrë. Ne diskutuam për shumë cështje, por kryesore është synimi i qeverisë për të arritur një program të ri me FMN-në, i cili reflekton pjekurinë dhe përparimin që është bërë nga Kosova”.

Miniane tha se misioni i FMN-së dhe qeveria e Kosovës do të diskutojnë për programin e ri gjatë muajit mars. Ndryshe, ai në këtë pozitë e zëvendëson udhëheqësin e deritashëm të FMN-së për Kosovë Johannes Viegand.

Marrë nga "RTK"

Redaksia Online
(e.s/shqiptarja.com)

/Shqiptarja.com
  • Sondazhi i ditës: 13 Mars, 08:44

    Zgjedhjet e 11 majit, cila listë e kandidatëve iu bind më shumë?

Lajme të tjera



×

Lajmi i fundit

Sondazhi i Pepolit/ Rama merr mandatin e katërt më 11 maj me 50.5% të votave! Berisha me aleatët forcë e dytë, por me rënie! Lapaj renditet i treti

Sondazhi i Pepolit/ Rama merr mandatin e katërt më 11 maj me 50.5% të votave! Berisha me aleatët forcë e dytë, por me rënie! Lapaj renditet i treti

13 Mars, 22:50