POP 5

Lajmet më të lexuara të 5 minutave të fundit

Kronikë

Beqaj: Të falen gjobat për biznesin ushqimor për periudhën 1 Korrik-31 Gusht 2019! Ishin të painformuar

Propozimi për faljen e gjobave për biznesin ushqimor nga data 1 korrik deri më 31 gusht 2019,  diskutohet nesër në Komisionin e Ekonomisë. Nismëtari i projektligji deputeti i PS Ilir Beqaj shprehet për Report TV se gjobat janë të panevojshme pasi biznesi nuk ishte informuar. Bizneset ushqimore janë gjobitur për mungesë të licencave të veçanta për aktivitetin e tyre.

TIRANË- Nesër pritet të diskutohet në Komisionin e Ekonomisë projektligji i propozuar nga Ilir Beqaj për faljen e gjobave të  vendosura nga Autoriteti Kombëtar i Ushqimit ndaj operatorëve të biznesit ushqimor për periudhën 1 korrik 2019 deri në 31 gusht 2019. Gjobat e vendosura nga AKU për biznesin ushqimor janë për mungesë të pajisjes me licenca të veçanta për zhvillimin e aktivitetit të tyre. Sipas deputetit Ilir Beqaj gjobat kanë qenë të panevojshme dhe nuk janë vënë sipas Kodit Penal dhe se duhet të anulohen pasi bizneset kanë qenë të painformuar.

“U është kërkuar nga AKU, pajisja edhe me një licencë profesionale edhe bizneseve që kishin shumë vite që operonin. Që nuk ishin kërkuar asnjëherë. Shumica e këtyre bizneseve pasi morën gjobën nga informacionet e sakta që unë kam marrë në QKB aplikuan për të marrë licencën dhe 75% e tyre e morën shumë shpejt do të thotë që nuk ka qenë një zgjedhje e biznesit për të zbatuar ligjin por ka qenë një njohje e cekët ligjore. Gjobat kanë qenë të panevojshme. Ajo situatë paligjshmërie nëse ishte e tillë u zgjidh shumë shpejt dhe për këtë arsye në vlerësimin tim ato gjoba duhen anuluar. Ato gjoba nuk janë vënë sipas kodit penal, fryma është e vërtetë që mund të binte pak ndesh”, tha Beqaj. 

Sipas deputetit gjoba është mundësia e fundit që duhet të shikojë autoriteti si mënyrë ndërgjegjësim të bizneseve.

“Gjobat nuk janë qëllim në vetvete, inspektimi ka shumë hallka, ka konstatim, ri inspektim, paralajmërim dhe pasi pastaj nëse konstatohet që ka moszbatim të qëllimshëm, të vetëdijshëm dhe konsistent me pasoja të drejtpërdrejtë në shëndet sigurisht që duhet të ndiqet fryma e ndëshkimit”, shtoi ai. 

Pas propozimi të deputetit Beqaj për faljen e gjobave, AKU sqaroj për Report TV se kjo nismë është e papranueshme pasi ushtrimi i biznesit ushqimor pa licence është edhe kundërvajtja me e madhe administrative. Për periudhën 1 Korrik-31 Gusht 2019 u është vendosur gjobë 67 subjekteve.

B.K./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Vlore: 05/11/2019 22:17

    Njohje ceket ligjore nuk eshte justifikim per mos ndeshkim o zoti ish minister.vitin tjeter me shume gjona AKU se keshtu vihen ne rresht bizneset qe shesin jashte cdo kriteri ushqimor dhe e peson klienti se z.ish minister ha ne resorte.suksese ne kete dhe ty me SPAK.

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Një nga ne/ 'Ndenja 16 vite vetëm', prek i moshuari: Ndjeva një boshllëk, më mirë në azil me shokë

Një nga ne/ 'Ndenja 16 vite vetëm', prek i moshuari: Ndjeva një boshllëk, më mirë në azil me shokë

25 Dhjetor, 20:04 nga Xhensila Nako