POP 5

Lajmet më të lexuara të 5 minutave të fundit

Sociale

Berat, bie prodhimi i ullinjve, s’ka subvencione dhe as krah pune! Agronomi: Qeveria i ka braktisur fermerët

Në Berat ka nisur vjelja e ullinjve ku vihet re prodhim më i ulët se vitet e tjera. Agronomi dhe fermerët e zonës së Bilçës thanë se janë shtrenjtuar agregatet bujqësore dhe plehrat kimikë ndaj të rinjtë kanë hequr dorë nga kjo kulturë. Ata kërkojnë nga Qeveria të hartojë një skemë të re subvencioni për kulturën e ullirit, në mënyrë që të rritet prodhimi dhe të jetë konkurrues në treg.

Vitet e fundit prodhimi i ullinjve në zonën e Bilçës në Berat pësuar ka rënie krahasuar tre vite më parë kur njohu pikun e prodhimit. Agronomi Fitim Zaimi, njëherësh banor i zonës thotë se përpos thatësirës ka ndikuar mungesa e shërbimeve. Në fshat ka mbetur vetëm mosha e tretë që nuk mund të përballojë koston e prodhimit për shkak të rritjes së çmimit për plehrat kimikë dhe agregatet. Agronomi i bën thirrje qeverisë të rrisë subvencionet në mënyrë që të motivohen të rinjtë për t’iu kthyer kulturës së ullirit.

“Jepet vetëm nafta s’ka tjetër prandaj fermeri është tërhequr nga puna, po nuk pati të ardhura të kënaqshme nga ulliri nuk u bën zemra të punojnë. Ne na konkurrojnë prodhimet nga jashtë sepse ata subvencionohen. Duhet të merret për bazë prodhimi! Nëse prodhon për shembull 100 kuintal duhet të marrësh të paktën 2 ose 3 milion lekë (të vjetra) subvencione që të kompensojë një pjesë e shpenzimeve. Shteti duhet të kthejë sytë nga bujqësia nga fermeri ti ndihmoj nëpërmjet skemave të subvencionit nëpërmjet skemave tjera ndihmëse”, shprehet Fitim Zaimi agronom.

Ndërsa fermeri Kujtim Kërkuta tha për Report tv se aktualisht ullinjte e tavolinës shiten me 80 lek për kg, çmim ky që nuk justifikon koston e lartë të prodhimit.

“Tregtarët e kërkojnë me çmim 80 lek kg nuk justifikon harxhimin që ne bëjmë plehrat krasitjet krahun e punës janë rritur çmimet plehrave punimit spërkatjes nuk justifikon. Unë jam moshatar jam i vjetër nuk e vjel dot vet duhet krahu punës është në mungesë”, tha Kujtim Kërtusha, fermer

Vetëm fshati Bilçë në Berat llogarit mbi 2500 rrënjë ulliri por sipas fermerëve duhet shumë punë që të realizosh prodhim të mirë e të bollshëm.

 

 

R.D/E.B/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Jakin Marena: Kujt i duhej ‘sakrifica’ e Gjekmarkajt në prag të Natës së Krishtit?!

Jakin Marena: Kujt i duhej ‘sakrifica’ e Gjekmarkajt në prag të Natës së Krishtit?!

24 Dhjetor, 21:06 nga Jakin Marena