Berat/ Çelet festivali i Teatrit '1 mbi 1 dritaret'! 10 trupa të teatrit të fëmijë do të performojnë në 10 net

BERAT- ‘1 mbi 1 dritaret” është Festivali Kombëtar i Teatrove për fëmijë, ku artistë të vegjël nga 10 qytete do të përformojnë çdo natë në kalanë historike të Beratit.

Nata e parë e këtij eventi, u çel me shfaqjen “Pas vdekjes”, luajtur nga trupa teatrore e Beratit.

Artistë të moshës 8-16 vjeç  nga i gjithë vendi do të ngjiten në skenën e qytetit muzeal për 10 net me radhë, një risi kjo që për kryebashkiakun Ervin Demo do të kthehet në një traditë të përvitshme.

 “Do jenë plot dhjetë net ku do të kemi qytetet kryesore të Shqipërisë që do të marrin pjesë, si Tirana, Durrësi, Kukësi, Shkodra etj. Kur shikon një trupë të talentuar fëmijësh, arti merr një dimension tjetër. Dhe unë jam i bindur që këto do jenë një mundësi shumë e mirë jo vetëm për banorët e qytetit por edhe për turistët që vizitojnë Beratin”, tha Kreu i Bashkisë Berat, Ervin Demo.

Për artisten dhe anëtaren e jurisë së festivalit, Zamira Kita, evente të tilla janë të rëndësishme për edukimin e brezave të rinj me dashurinë për artin e kulturën.

"Është i vetmi event kombëtar qe ne kemi për fëmijët, veç Festivalit të këngës. Teatri është shumë i rëndësishëm për fëmijët. Arti dhe kultura, duke i rritur me dashurinë për artin dhe kulturën nesër do të bëhen më të mirë. Shfaqja e parë e Beratit ishte shumë e bukur", tha Kita.

Festivali Kombëtar i Teatrit për fëmijë do të vazhdojë deri më 10 qershor në Kalanë e qytetit.

B.K./Sh.Sh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    EURO 2024/ Fillojnë ndeshjet e fundit, a mendoni se Shqipëria kalon grupin?



×

Lajmi i fundit

FOTOT/ Qiramarrësit kthejnë banesën në ‘shtëpi bari’, pronari gjen 10 ton dhe në dhomën e gjumit

FOTOT/ Qiramarrësit kthejnë banesën në ‘shtëpi bari’, pronari gjen 10 ton dhe në dhomën e gjumit