POP 5

Lajmet më të lexuara të 5 minutave të fundit

Kronikë

Berat, digjet kodra e Kalasë
Në rrezik shtëpitë muzeale

Një vatër zjarri e rënë në kodrën e Kalasë së Beratit, ndryshe e njohur si kurora e gjelbër e kalasë, ka rrezikuar seriozisht shtëpitë e banuara të kësaj zone që njëkohësisht bëjnë pjesë në zonën muzeale të lagjes Kala. Flakët kanë rrezikuar edhe shtëpitë e mbrojtura nga UNESCO.
BERAT - Një vatër zjarri e rënë në kodrën e Kalasë së Beratit, ndryshe e njohur si kurora e gjelbër e kalasë, ka rrezikuar seriozisht shtëpitë e banuara të kësaj zone që njëkohësisht bëjnë pjesë në zonën muzeale të lagjes Kala.

Fillimisht, kanë qenë banorët e zonës të cilët kanë vënë në dijeni forcat e policisë, rreth orës 15:00, si dhe forcat e shërbimit zjarrfikës. Këta të fundit kanë shkuar menjëherë në vendngjarje ku dhe kanë filluar punën për vënien nën kontroll të flakëve.

Sipas të dhënave paraprake mësohet se terreni i vështirë në kodrën e kalasë si dhe përhapja me shpejtësi e flakëve për shkak të erës ka bërë që zjarri të përhapet në një terren mjaft të gjerë duke arritur deri në vendin e njohur si Tabja e kalasë.

Për rreth një orë, forcat zjarrfikëse janë shpërndarë në kodër duke përdorur dhe mjete rrethanore për vënien nën kontroll të zjarrit, duke pasur parasysh se lagja Kala është një zonë e banuar si dhe e njohur si zonë muzeale dhe nën mbrojtjen e UNESCO-s.

Nga ana tjetër, në vendngjarje kanë shkuar dhe forca të policisë së Beratit të cilët kanë qenë në gatishmëri për evakuimin e banorëve me banim më pranë flakëve, që janë ndjerë të rrezikuar nga përhapja e zjarrit si dhe tymit të dendur që është krijuar në mbarë zonën.

Policia konfirmoi se po heton dhe se do të marrë në pyejte banorë të zonës në lidhje me shkaqet e rënies së zjarrit. Ndërsa rreth orës 17:00 është arritur të vendosen nën kontroll flakët.

(ju.me/shqiptarja.com)

/Shqiptarja.com
  • Sondazhi i ditës: 13 Mars, 08:44

    Zgjedhjet e 11 majit, cila listë e kandidatëve iu bind më shumë?

Lajme të tjera



×

Lajmi i fundit

Sondazhi i Pepolit/ Rama merr mandatin e katërt më 11 maj me 50.5% të votave! Berisha me aleatët forcë e dytë, por me rënie! Lapaj renditet i treti

Sondazhi i Pepolit/ Rama merr mandatin e katërt më 11 maj me 50.5% të votave! Berisha me aleatët forcë e dytë, por me rënie! Lapaj renditet i treti

13 Mars, 22:50