Një 52 vjeçar ka rënë në prangat e Policisë së Beratit, pasi në banesën e tij janë gjetur drogë, armë dhe municione. I ndaluari është Mynyr Nuhu, 52 vjeç, banues në fshatin Mjeshovë, Berat.


droga1


Gjatë kontrollit të ushtruar nga Policia në banesën e tij në banesën e tij, u gjetën dhe sekuestruan në cilësinë e provave materiale 7.5 kg lëndë narkotike marijuanë, 23 bimë narkotike canabis sativa, të mbjella në kubik, 1 automatik, model 56, kalibër 7.62 mm, 6 arka municioni me 4500 fishekë si dhe 1 krehër automatik me 25 fishekë.
 
Njoftimi i Policisë së Beratit
 
Nga ana e Seksionit për Narkotikët dhe Trafiqet në Drejtorinë Vendore të Policisë Berat, u finalizua me sukses operacioni i koduar “Shpiragu”.
Në kuadër të këtij operacioni u bë arrestimi në flagrancë i shtetasit:
Mynyr Nuhu, 52 vjeç, banues në fshatin Mjeshovë, Berat.
 
Arrestimi ndaj këtij shtetasi u bë pasi:
Gjatë kontrollit të ushtruar në banesën e tij në fshatin Mjeshovë, iu gjetën dhe sekuestruan në cilësinë e provave materiale:
 
7.5 kg lëndë narkotike marijuanë,
23 bimë narkotike canabis sativa, të mbjella në kubik,
1 automatik, model 56, kalibër 7.62 mm,
6 arka municioni me 4500 fishekë,
1 krehër automatik me 25 fishekë,
 
Materialet i kaluan Prokurorisë së Rrethit Gjyqësor Berat, për veprat penale “Prodhimi dhe shitja e narkotikëve” dhe “Kultivimi i bimëve narkotike". 

Redaksia Online
Shqiptarja.com