POP 5

Lajmet më të lexuara të 5 minutave të fundit

Kronikë

Berat/ Trafikoi ‘nusen’ në Itali për prostitutë, 17 vite burg për vjehrrën tutore! E kërcënonte se do i vriste mamanë

17 vite burg dha Gjykata e Beratit për Dashuri Shkurtin, gruan që trafikoi për prostiucion në Itali, partneren e djalit të saj. Sipas dëshmisë së vajzës, ajo që u shfaq si vjehrra e saj, e kërcenonte se nëse do të fliste me policinë apo me ndonjë person të tjerë, do ti vriste mamanë

BERAT- “Ti do të vish në Itali dhe po hape gojën të shkosh në polici ne do të vrasim mamanë” i tha Dashuri Shkurti, M.S, të fejuarës së djalit të saj E.M. Një e re nga qyteti i Beratit ka rënë pre e trafikimit me qëllim prostitucionin, nga nëna e personit që ajo e kishte njohur për lidhje dashurore . Në fund të hetimeve të nisura në vitin 2018, prokuroria kërkoi 22 vite burg për Dashuri Shkurtin, ndërsa gjykata e shpalli të pandehurën fajtore dhe e dënoi me 17 vjet. 

Viktima, M.S. ka deklaruar se rreth muajit Shkurt të vitit 2018 ka qenë e papunë dhe e asistuar nga shërbimet sociale të qytetit të Beratit kur është njohur me të pandehurin E.M., njohje e cila pas pak kohësh është zyrtarizuar dhe në familjet e tyre. Pas përfundimit të ceremonive përkatëse, kur e reja shkoi të jetojë tek banesa e të fejuarit i cili përgjithësisht e trajtonte mirë por shumë shpejt nisën dyshimet për sinqeritetin e të pandehurit.

Vajza ka treguar në prokurori se gjatë një bisede në rrjetin social facebook, ajo e prezantuar në komunikim me të ëmën e tij, Dashuri Shkurti, zbuloi planin për dërgimin e saj në Itali. Gjatë hetimit Prokuroria zbuloi prova që e pandehura Shkurti, në bashkëpunim me shtetasit E.M. dhe F.D. ka rekrutuar, transportuar në Itali M.S., me qëllim shfrytëzimin për prostitucion.

Dashuri Shkurti dhe dy burrat, e trasportuan dhe trafikuan të papunën nga Berati në Vlorë e më pas në Itali , nëpërmjet fshehjes dhe formës së ngjashme me skllavërimin duke e ndaluar të takohet dhe komunikojë me persona të tjerë dhe familjarët, duke e detyruar që t’i bindej çdo urdhri të saj.

M.Q./S.Ç/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • HAJDAR KASAP REXHEP BULE LEKA [ KEPI ]: 02/06/2024 17:18

    Futini në burg kto lloi plerash e aty kalbini gjith jetēn.

    Përgjigju
  • Sondazhi i ditës:

    Çfarë prisni në vitin 2025?

Lajme të tjera



×

Lajmi i fundit

Vranësira e reshje shiu në gjithë vendin, parashikimi i motit për sot

Vranësira e reshje shiu në gjithë vendin, parashikimi i motit për sot

3 Janar, 07:25