BERAT - Një kopësht fëmijësh ka rënë pre e vjedhjes, ndërkohë që policia deklaroi arrestimin e dy të dyshuarve dhe shpalljen e një tjetri në kërkim. Burime zyrtare të Drejtorisë së Policisë së Qarkut të Beratit bëjnë me dije arrestimin e Raikel (Kristian) Rakip Hyka, 21 vjeç, banues në Berat, i pa dënuar më parë.

Gabriel Agron Sadiku, 18 vjeç, banues në Berat, i pa dënuar më parë , ndërkohë që u shpall në kërkim Emiljan Berisha, 22 vjeç, banues në Berat.

Arrestimi i shtetasve të mësipërm, si dhe shpallja e personit në kërkim u bë për arsye se sot në bashkëpunim me njëri-tjetrin, kanë vjedhur me thyerje godinën e Kopshtit “10 Korriku” të cilët kanë marrë paisje të ndryshme si : televizor, një paisje për ngrohje, një magnetofon etj, me vlerë 40.000 lekë.

Në cilësinë e provës materiale u sekuestruan telvizor, një pajisje për ngrohje, një magnetofon etj.

Materialet iu referuan Prokurorisë së Rrethit Gjyqësor Berat, për veprën penale ‘’vjedhje në bashkëpunim, parashikuar nga neni 134/2 të , të Kodit Penal.

(ad.ti/shqiptarja.com)