POP 5

Lajmet më të lexuara të 5 minutave të fundit

Politikë

Berisha akuzoi Yuri Kim se gënjeu për listën e zezë të SHBA-ve, DASH asnjë shpresë ish-Kryeministrit: Nuk ka kthim pas për 'Non Grata-n'

Ish-Kryeministri Sali Berisha e akuzoi ambasadoren e Shteteve të Bashkuara, Yuri Kim se gënjeu ku i tha shqiptarëve se zero vendime "non grata" janë kthyer mbrapsht, pasi sipas tij ka të tillë. Por përgjigjen nga Uashingtoni ia kanë servirur sërish të 'ftohtë'.

Ish-Kryeministri Sali Berisha e akuzoi ambasadoren e Shteteve të Bashkuara, Yuri Kim se gënjeu ku i tha shqiptarëve se zero vendime "non grata" janë kthyer mbrapsht, pasi sipas tij ka të tillë. Por përgjigjen nga Uashingtoni ia kanë servirur sërish të 'ftohtë'.

Një zëdhënës i Departamentit të Shtetit deklaroi për RTSH se vendimet për  shpalljen "non grata" merren vetëm nga Departamenti i Shtetit dhe ato nuk kanë kufizime  në kohë, domethënë nuk ndryshojnë nga një administratë në tjetrën.

"Z. Berisha u përcaktua sipas nenit 7031(c) të Ligjit vjetor për Buxhetin për shkak të  përfshirjes se tij në korrupsion të konsiderueshëm në cilësinë e tij zyrtare si  Kryeministër i Shqipërisë. Përcaktime të tilla nuk janë të kufizuara në kohë. Në  përgjithësi, kur një individ përcaktohet sipas seksionit 7031(c), ai individ nuk do të  jetë i përshtatshëm për të përfituar një vizë për të udhëtuar në Shtetet e Bashkuara" tha  zëdhënësi.

Ndonëse i shpallur "non grata" nga SHBA dhe ambasadorja Yuri Kim i bëri të qartë se dosjet e provave ndaj tij si të përfshirë në korrupsion ekzistojnë dhe janë voluminoze, Sali Berisha duket se ende nuk do pranojë humbjen dhe fundin e turpshëm që i bëri aleatin strategjik i Shqipërisë, SHBA. 

Më 19 maj 2021 SHBA e shpalli Sali Berishën "non grata" për minimin e demokracisë dhe korrupsion. Sekretari Amerikan i Shtetit, Antony Blinken aktet e korruptuara të Berisha kanë minuar demokracinë në Shqipëri dhe se është përfshirë në akte korruptive, si keqpërdorimi fondeve publike dhe ndërhyrje me proceset publike duke përdorur fuqinë për përfitime personale, dhe pasurimin e aleatëve politik përfshi familjen në kurriz të konfidencës publike të qeverisë  shqiptare dhe institucioneve.

K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Ardi: 29/01/2022 16:50

    Eh mor plak dreqi. Halli yt eshte se ti vodhe dhe vrave, kta mjeshtrat e PSse vjedhin 100fish e jane me te sofistikum. Shih cben Lali Eri me Maznikun spektakel. Me Amerikanet duhet te dish retoriken pastaj bo car te dush. Vete Amerikanet kshu qeverisin. Socializmi eshte menyra me e mire per me vjedh te gjithe se nuk ka as rregullat strikte te Kapitalizmit, as te Komunizmit as parimet e Republikanizmit. Eshte ligji i me te fortit… por pa vrare askend direkt, thjesht i mbyt avash avash, ja si ajo nena qe vdiq vetem ne te ftohte. Ky eshte Socializmi. Te kishe mesu more malok gjithato vite ne pushtet. Rri tani nongrata nga “djepi i demokracise”.

    Përgjigju
  • Sondazhi i ditës: 24 Janar, 09:42

    Sa i drejtë do të jetë procesi i primareve në PD?

Lajme të tjera



×

Lajmi i fundit

Itali/ Ndjekje si në filma në rrugët e Padovës, shqiptari i droguar dhe me precedentë përplas makinën me murin!

Itali/ Ndjekje si në filma në rrugët e Padovës, shqiptari i droguar dhe me precedentë përplas makinën me murin!

24 Janar, 22:56