Sali Berisha thotë se dy deputetët demokratë, Gazment Bardhi dhe Klevis Balliu u përjahstuan me nga 60 ditë nga punimet e Kuvendit me urdhër të kryeministrit Edi Rama. Gjatë konferencës në selinë blu, ai tha se Bardhi e Balliu u përjashtuan pa asnjë bazë ligjore, ndërsa kryeministrin Edi Rama e quajti armik të egër të parlamentarizmit.

“Sot Edi Rama urdhëroi, pa asnjë bazë ligjore, të përjashtojë kryetarin e grupit të Partisë Demokratike dhe nënkryetarin e komisionit të sigurisë, zotërinjtë Gazment Bardhi dhe Klevis Balliu, dy muaj nga parlamenti. Armik i egër i parlamentarizmit, i protestës dhe fjalës së lirë, Edi Rama me akte të tilla dëshmon se është një narko-diktator i urryer për shqiptarët. Dënojmë me forcën më të madhe këtë vendim antiligjor, antikushtetues, kryekëput të pabazë. Natyrisht, grupi parlamentar do mblidhet të shqyrtojë qëndrimet përkatëse ndaj këtij vendimit”, tha Berisha.


Lajmi kryesor:

Shishe uji e vezë drejt Ramës, 'Etika' përjashton me 60 ditë nga Kuvendi Bardhin dhe Balliun! PD: Me urdhër të kryeministrit, e ankimojmë! 2 deputetët 2 muaj pa paga (VIDEO)