Berisha: Do garojë për kreun e PD-së dhe do pranoj çdo lloj rezultati! S'do krijoj parti të re

 

Ish-kryeministri Sali Berisha ka deklaruar se do të garojë për kreun e PD dhe se do të pranojë çdo lloj rezultati, pa e komentuar, teksa ka pasur edhe një mesazh për ambasadoren e SHBA-së, Yuri Kim që vazhdon ta quajë 'gurvernatore'.

" Zonja guvernatore i lejoi vetes të ndërhyjë në fushatë kundër Sali Berishës, doja t'u thoja zgjedhësve ja "unë jam Sali Berisha".  Është jashtë çdo lloj imagjinate që unë do të devijojë nga ky kurs nga vendimi im i shpallur para demokratëve që do të garoj për kryetar të PD, por duke garantuar çdo personalitet që dëshiron të hyjë në garë, kushte të barabarta, teknike, materiale dhe të gjithanshme dhe do pranoj rezultatin e tyre pa asnjë koment. Rikthimi ka ndodhur në 6 mars. Kishte pikëpyetje më parë se jo po ka deputetë, ja ku janë , ajo votë është rikthimi i Sali Berishës. Pse është 31%, po nuk jemi shumicë, por stacion i fuqishëm për t'u bërë shumicë, opozita apo logo e opozitës kanë marrë 44% të votave, aq sa kanë marrë në zgjedhjet e 25 prillit çka për mua është shumë pozitiv dhe kjo falë 'Shtëpisë së Lirisë', tha Berisha.

LEXO EDHE:
Lufta poshtë brezit për dominimin e opozitës

Ai ka njoftuar se nuk do të krijojë parti të re.

"Nuk do të ketë parti të re, kjo është opozita e vërtetë", tha Berisha.

 

Lajmi kryesor:

Pasi mundi PD-në më 6 mars, Berisha ftesë deputetëve demokratë: Bashkohuni me elektoratin, do të garoj për kreun e PD! Kongres pajtimi? Jam i gatshëm për çdo propozim, s'krijoj parti të re

B.K./r.k./Shqiptarja.com

TAG:
• sali berisha
• zgjedhjet 6 mars 2022
• lulzim basha
• Lufta brenda PD
• PD
• perplasja berisha basha